Almaty ákimdigi: nesielik turǵyn úi tirkelgen jeri boiynsha beriledi
«Otbasy bank» AQ (budan ári – bank) «Nurly jer» memlekettik baǵdarlamasy aiasynda «Shańyraq» baǵyty boiynsha Almaty qalasy ákimdiginiń nesielik turǵyn úiine kezekte turǵandar úshin brondaýdy ótkizdi.
Sonymen qatar, banktiń ákimdikke usynǵan tizimine Almaty oblysynyń (Qarasai, Talǵar, Ile, Eńbekshiqazaq, Jambyl aýdandarynyń bólikteri, sondai-aq Qapshaǵai ákimshiliginiń aýmaǵy – 150-den astam eldi meken) turǵyndary kirdi.
Almatydaǵy nesielik turǵyn úilerdi («Nurly dala» TK jáne Naýryzbai aýdanyndaǵy «Alma Siti 5» TK, Alataý aýdanyndaǵy «Mádeniet» shaǵyn aýdany) Almaty qalasynyń Jaily qalalyq orta basqarmasy salǵan jáne zańnamaǵa sáikes tek Almaty qalasynda kezekte turǵandarǵa arnalǵan.
2021 jylǵy 28 qazanda Indýstriia jáne infraqurylymdyq damý ministrligine atalǵan azamattardyń Almaty qalasy ákimdiginiń nesielik turǵyn úi satyp alý zańdylyǵyn túsindirý jóninde suraý salǵan bolatyn. Ministrliktegiler kezekte turǵandar nesielik turǵyn úidi tirkelgen jeri boiynsha ǵana ala alatynyn rastady.
«Turǵyn úi qatynastary týraly» Qazaqstan Respýblikasy Zańynyń 67-babyna sáikes kommýnaldyq turǵyn úi qorynan turǵyn úi osy eldi mekende esepte turǵan azamattarǵa ǵana paidalanýǵa beriledi.
Búginde Almaty qalasy ákimdiginiń nesielik turǵyn úi kezeginde 33 059 adam tur.
