«وتباسى بانك» اق (بۇدان ءارى – بانك) «نۇرلى جەر» مەملەكەتتىك باعدارلاماسى اياسىندا «شاڭىراق» باعىتى بويىنشا الماتى قالاسى اكىمدىگىنىڭ نەسيەلىك تۇرعىن ۇيىنە كەزەكتە تۇرعاندار ءۇشىن برونداۋدى وتكىزدى.
سونىمەن قاتار، بانكتىڭ اكىمدىككە ۇسىنعان تىزىمىنە الماتى وبلىسىنىڭ (قاراساي، تالعار، ىلە، ەڭبەكشىقازاق، جامبىل اۋداندارىنىڭ بولىكتەرى، سونداي-اق قاپشاعاي اكىمشىلىگىنىڭ اۋماعى – 150-دەن استام ەلدى مەكەن) تۇرعىندارى كىردى.
الماتىداعى نەسيەلىك تۇرعىن ۇيلەردى («نۇرلى دالا» تك جانە ناۋرىزباي اۋدانىنداعى «الما سيتي 5» تك، الاتاۋ اۋدانىنداعى «مادەنيەت» شاعىن اۋدانى) الماتى قالاسىنىڭ جايلى قالالىق ورتا باسقارماسى سالعان جانە زاڭناماعا سايكەس تەك الماتى قالاسىندا كەزەكتە تۇرعاندارعا ارنالعان.
2021 جىلعى 28 قازاندا يندۋستريا جانە ينفراقۇرىلىمدىق دامۋ مينيسترلىگىنە اتالعان ازاماتتاردىڭ الماتى قالاسى اكىمدىگىنىڭ نەسيەلىك تۇرعىن ءۇي ساتىپ الۋ زاڭدىلىعىن ءتۇسىندىرۋ جونىندە سۇراۋ سالعان بولاتىن. مينيسترلىكتەگىلەر كەزەكتە تۇرعاندار نەسيەلىك تۇرعىن ءۇيدى تىركەلگەن جەرى بويىنشا عانا الا الاتىنىن راستادى.
«تۇرعىن ءۇي قاتىناستارى تۋرالى» قازاقستان رەسپۋبليكاسى زاڭىنىڭ 67-بابىنا سايكەس كوممۋنالدىق تۇرعىن ءۇي قورىنان تۇرعىن ءۇي وسى ەلدى مەكەندە ەسەپتە تۇرعان ازاماتتارعا عانا پايدالانۋعا بەرىلەدى.
بۇگىندە الماتى قالاسى اكىمدىگىنىڭ نەسيەلىك تۇرعىن ءۇي كەزەگىندە 33 059 ادام تۇر.
