RAMS qurylys kompaniiasy Qazaq ulttyq agrarlyq ýniversitetiniń qalashyǵynda toǵyz qabatty bes úi salýdy kózdep otyr, dep habarlaidy Dalanews.kz.
Májilismen Erlan Sairovtyń aitýynsha, atalmysh kompaniia Qazaq ulttyq agrarlyq zertteý ýniversitetiniń stýdentterine tiesili jerdi iemdenip alǵan. Bul týraly ol Facebook paraqshasynda málimdedi.
Videoda depýtat kampýstyń qaq ortasynan qazylǵan shuńqyrdy kórsetip, málimdeme jasaǵan.
"Dostar, biz qazir Almatydaǵy Ulttyq agrarlyq ýniversitetiniń qalashyǵynda turmyz. "Eski Qazaqstan" ókilderi osy stýdentter qalashyǵynyń ishine álimjettik jasap, toǵyz qabatty bes úi soqpaqshy bolǵan. Myna ainalanyń bári stýdenttik qalashyq. Mine, osy qalashyqtyń ortasyn oiyp, osyndai bassyzdyqqa barǵan. Meniń oiymsha, stýdentterge mundai álimjettilik jasaýǵa bolmaidy. Bizdiń bolashaǵymyz jastar deitin bolsaq jastarǵa durys bilim alýǵa jáne ǵylymmen ainalysýǵa jaǵdai jasaýymyz kerek. Sol sebepti mundai bassyzdyqqa tosqaýyl qoiýymyz kerek", - dedi Cairov.
Osy tusta májilismen bul máseleni Bas prokýratýramen birlesip sheshetinin aityp, ýádesin berdi.
"Almatydaǵy RAMS kompaniiasy balalarymyzdyń jerin qaitarmai otyr. Meniń oiymsha, bul máselemen bas prokýratýra ainalysýy kerek. Osylaisha jerdi stýdentterge qaitaryp berýimiz kerek. Bul máseleni bas prokýratýramen birigip, qolǵa alatyn bolamyz", - dep sózin qorytyndylady depýtat.
