Árine, elektriktiń, santehniktiń nemese esikti búldirmei ashyp beretin mamannyń kómegine júginesiz. Ókinishke orai, biz osy bir salalarǵa, anyǵyraq aitqanda, biznestiń túrlerine áli de kire qoiǵan joqpyz. Elektriktiń, santehniktiń kópshiligi ózge ult ókilderi jáne osynyń arqasynda jap-jaqsy kún kórip otyr.
Shynymen, qazaq balasy nege osyndai kásipterdi meńgermeidi? Álde bul bizdiń qolymyzdan kelmei me?
[caption id="attachment_15015" align="alignright" width="331"]
«Nege kelmeidi? Keledi!» – deidi AlmaDom kompaniiasynyń basshysy Arman Aimanbetov. Arman bastaǵan bir qazaq jigiti úidegi elektrikalyq, santehnikalyq jáne basqa da taýsylyp bitpeitin jumystarǵa kómek kórsetetin kompaniia ashypty. Shynymen qýanyp qaldyq.
– Qazaqstanda tabys kózi shekteýli. Bir baiqaǵanym, biz belgili bir kásipti igerýge jáne solardy isteýge kelgende áli kúnge deiin namystanatyn siiaqtymyz. Negizinde, bul – jalǵan namys. Basy isteitin ózge ulttardyń ókilderi básekelestigi kóp biznestiń túrlerinen áldeqashan ketip qalǵan. Biz kóp jaǵdaida dúken ashýdy, bolmasa saýdaǵa qatysty istermei ainalysýdy jón kóremiz, – deidi bul rette Arman Aimanbetov.
Olardyń oiyna osyndai qyzmet kórsetetin kompaniia ashý qalai keldi? Armannyń buǵan da jaýaby daiyn.
– Aitalyq, qazirgi tańda qaltaly adamdar úilerin jinamaidy. Erinedi. Munymen ainalysatyn arnaiy kompaniialar bar. Bul salada ázir básekelestik az. Al suranys kóp. Sony baiqaǵandar tez arada osyndai qyzmet kórsetetin kompaniialardy ashyp alyp, qazir qyrýar tabysqa kenelip jatyr.
Biznes bastamai turyp biz qazirgi ýaqytta adamdarǵa qyzmet kórsetýdiń qai túrine suranysy kóp ekenin zerttedik. Sóitsek, joǵaryda aitqan úi jinaý qyzmetinen bólek, santehnikalyq jumystarǵa degen suranys joǵary eken.
Úi jinaý jumystary týraly aitqanda, qazir bul kásipti qazaq jigitteri de birtindep igerýde.
Iaǵni, kompaniia quryp, úi jinaýǵa epti, pysyq qyz-kelinshekterdiń basyn qosyp, sapaly qyzmet túrin kórsetýde. Bul – bir jaǵynan biznes ashqan azamatqa ǵana emes, sonyń basy-qasyna toptasqan jumysshylarǵa ájeptáýir tabys kózi. Bilsem, qazirgi kúni qaltaly azamattardyń úiin jinap, tazalap beretin olar kúnine 3-5 myń teńgeniń ainalasynda tabady, – deidi ol.
Arman bul kásipti jalǵyz bastamapty. Santehnikalyq qyzmet kórsetetin kompaniia ashý týraly usynys óziniń jaqyn tanysy ári elektr salasyn jaqsy biletin maman Talǵat Beiisovke aitqan.
– Talǵatpen tanysqan kezde ózimniń santehnikalyq qyzmet kórsetetin kompaniia ashý týraly usynysymdy aittym. «Sen elektriksiń, ekeýmiz birigip, santehnikalyq jáne elektriktiń qyzmetin kórsetetin kompaniia ashaiyq. Buǵan ózińdei qolynan is keletin azamattardy toptastyraiyq», – dedim.
Bilikti maman Talǵat Beiisov Armannyń bastamasyn birden qostai ketti.
«Qazir bizdiń óz elektrikterimiz jáne santehnikterimiz bar. Úi sharýasyndaǵy usaq-túiek sharýalarmen ainalysatyn basqa da mamandardy qanatymyzdyń astyna toptastyrdyq», – deidi Armannyń seriktesi.
«Bizdiń baǵamyz arzan»
– Baiqaǵanymyz, atalǵan naryqta elektriktiń, santehniktiń qyzmeti qymbat turady. Olar qyzmetinen bólek shaqyrtýyna jáne jolyna alady. Qazirgidei daǵdarys ýaqytynda bul halyqtyń qaltasyna artyq salmaq ekeni belgili. Bizdiń qyzmetimiz dál mundai kompaniialarmen salystyrǵanda adamnyń qaltasyn qaqpaidy. Biraq, arzan eken dep, sapasyz qyzmet kórsetpeimiz. Shyny kerek, mundai kompaniialar da tabylady. Bizdiń baǵamyz arzan ári qyzmet kórsetý sapamyz joǵary, – deidi Arman.
Kompaniianyń taǵy bir erekshiligi óz saity bar. Bul saitta kompaniiadaǵy elektrikter men santehnikter týraly tolyqqandy málimet toptastyrylǵan.
Bul ne úshin kerek?
– Birinshi kezekte, turǵyndar óz qaýipsizdigi úshin alańdamaýǵa bolady. Áitpese, qazirgi kúni ózin «elektrikpiz» nemese «gaz jóndeýshimiz» dep tanystyryp, búkil bir úidi úptep ketetin qaraqshylar da joq emes.
Iaǵni, bizdiń kompaniiadaǵy mamandar ana qyrdan, myna qyrdan jinalǵan azamattar emes. Kásibi bilimi bar, tájiribeli azamattar.
Aitalyq, sapasyz qyzmet kórsetken elektrikti siz qaityp taba almaýyńyz múmkin. Sebebi, onyń telefonynan basqa kim ekenin, qaida turatynyn múldem bilmeisiz. Al bizdiń jaǵdaida jasalǵan jumysqa kóńilińiz tolmasa, kompaniiaǵa habarlasyp, óz aryz-shaǵymyńyzdy bildirýińizge bolady. Iaǵni, bizdiń jumys jasaý stilimizdiń ózi zamanaýi. Tipti mamandarymyzdyń ózine arnaiy ýniforma kigizemiz. Alatyn adamdarymyzdyń barlyǵy jiti tekserýden ótken mamandar, – deidi bul rette Arman Aimanbetov.
Óz tarapymyzdan aita ketelik, AlmaDom kompaniiasynyń saitynda mamandardyń sýreti, telefony jáne basqa da deregi toptastyrylǵan. Iaǵni, saitqa kirgen turǵyndar óziniń kóńiline jaqqan mamandy osy arqyly tańdap, shaqyra alady.
Eń bastysy, turǵyndar óziniń qandai mamandy shaqyrǵanyn, onyń túr kelbeti qandai, jumys tájiribesi qanshalyqty ekenin bilip otyrady.
Talǵat Beiisov:
– Bizde qyzmet sapasyn jasalǵan, istelgen ónimmen ǵana eseptemeimiz. Ashyǵyn aitý kerek, kóp jaǵdaida bizdiń qoǵamda dórekilik basym. Tipti, úiińe shaqyrǵan elektriktiń ózi saǵan ámirin júrgizip, jumysyn apyl-ǵupyl istep ketýge asyǵyp turady. Biz mundaiǵa jol bermeimiz. Bizdiń mamandar – sypaiy jáne mádenietti. Santehnikterimiz ben elektrikterimizge dóreki bolmaýdy, tutynýshylarǵa qyzmet kórsetýde árdaiym mádeniet saqtaýdy qadap aitamyz.
Eń bastysy, biz jasaǵan jumysymyzǵa kepildik beremiz.
