اlmaDom: ءۇي جۇمىسىنا قاجەتتى ساپالى قىزمەت

Dalanews 18 ءساۋ. 2016 00:37 136

ۇيىڭىزدە جارىق ءوشىپ قالدى نەمەسە جىلۋ باتارەياسىنان سۋ تامشىلاپ كەتتى دەلىك. ەسىگىڭىزدىڭ قۇلپى ءبۇلىنىپ، سىرتىنان جابىلىپ قالاتىن كەزدەر دە بولادى. بولماسا بۇرعىلاۋدى، جوندەۋدى قاجەت ەتەتىن تاعى دا باسقا ۇساق-تۇيەك جۇمىستار شىعىپ قالادى. ءوزىڭىز ارالاسقانمەن تۇك ونگەن جوق. نە ىستەيسىز؟

ارينە، ەلەكتريكتىڭ، سانتەحنيكتىڭ نەمەسە ەسىكتى بۇلدىرمەي اشىپ بەرەتىن ماماننىڭ كومەگىنە جۇگىنەسىز.  وكىنىشكە وراي، ءبىز وسى ءبىر سالالارعا، انىعىراق ايتقاندا، بيزنەستىڭ تۇرلەرىنە ءالى دە كىرە قويعان جوقپىز. ەلەكتريكتىڭ، سانتەحنيكتىڭ كوپشىلىگى وزگە ۇلت وكىلدەرى جانە وسىنىڭ ارقاسىندا جاپ-جاقسى كۇن كورىپ وتىر.

شىنىمەن، قازاق بالاسى نەگە وسىنداي كاسىپتەردى مەڭگەرمەيدى؟ الدە بۇل ءبىزدىڭ قولىمىزدان كەلمەي مە؟

[caption id="attachment_15015" align="alignright" width="331"]20160402_152423 AlmaDom كومپانياسىنىڭ باسشىسى ارمان ايمانبەتوۆ[/caption]

«نەگە كەلمەيدى؟ كەلەدى!» – دەيدى AlmaDom كومپانياسىنىڭ باسشىسى ارمان ايمانبەتوۆ. ارمان باستاعان ءبىر قازاق جىگىتى ۇيدەگى ەلەكتريكالىق، سانتەحنيكالىق جانە باسقا دا تاۋسىلىپ بىتپەيتىن جۇمىستارعا كومەك كورسەتەتىن كومپانيا اشىپتى. شىنىمەن قۋانىپ  قالدىق.

– قازاقستاندا تابىس كوزى شەكتەۋلى. ءبىر بايقاعانىم، ءبىز بەلگىلى ءبىر كاسىپتى يگەرۋگە جانە سولاردى ىستەۋگە  كەلگەندە ءالى كۇنگە دەيىن نامىستاناتىن سياقتىمىز. نەگىزىندە، بۇل – جالعان نامىس. باسى ىستەيتىن وزگە ۇلتتاردىڭ وكىلدەرى باسەكەلەستىگى كوپ بيزنەستىڭ تۇرلەرىنەن الدەقاشان كەتىپ قالعان. ءبىز كوپ جاعدايدا دۇكەن اشۋدى، بولماسا ساۋداعا قاتىستى ىستەرمەي اينالىسۋدى ءجون كورەمىز، – دەيدى بۇل رەتتە ارمان ايمانبەتوۆ.

ولاردىڭ ويىنا وسىنداي قىزمەت كورسەتەتىن كومپانيا اشۋ قالاي كەلدى؟ ارماننىڭ بۇعان دا جاۋابى دايىن.

– ايتالىق، قازىرگى تاڭدا قالتالى ادامدار ۇيلەرىن جينامايدى. ەرىنەدى. مۇنىمەن اينالىساتىن ارنايى كومپانيالار بار. بۇل سالادا ءازىر باسەكەلەستىك از. ال سۇرانىس كوپ. سونى بايقاعاندار تەز ارادا وسىنداي قىزمەت كورسەتەتىن كومپانيالاردى اشىپ الىپ، ءقازىر قىرۋار تابىسقا كەنەلىپ جاتىر.

بيزنەس باستاماي تۇرىپ ءبىز قازىرگى ۋاقىتتا ادامدارعا قىزمەت كورسەتۋدىڭ قاي تۇرىنە سۇرانىسى كوپ ەكەنىن زەرتتەدىك. سويتسەك، جوعارىدا ايتقان ءۇي جيناۋ قىزمەتىنەن بولەك، سانتەحنيكالىق جۇمىستارعا دەگەن سۇرانىس جوعارى ەكەن.

ءۇي جيناۋ جۇمىستارى تۋرالى ايتقاندا، ءقازىر بۇل كاسىپتى قازاق جىگىتتەرى دە بىرتىندەپ يگەرۋدە.

ياعني، كومپانيا قۇرىپ، ءۇي جيناۋعا ەپتى، پىسىق قىز-كەلىنشەكتەردىڭ باسىن قوسىپ، ساپالى قىزمەت ءتۇرىن كورسەتۋدە. بۇل – ءبىر جاعىنان بيزنەس اشقان ازاماتقا عانا ەمەس، سونىڭ باسى-قاسىنا توپتاسقان جۇمىسشىلارعا اجەپتاۋىر تابىس كوزى. بىلسەم، قازىرگى كۇنى قالتالى ازاماتتاردىڭ ءۇيىن جيناپ، تازالاپ بەرەتىن ولار كۇنىنە 3-5 مىڭ تەڭگەنىڭ اينالاسىندا تابادى، – دەيدى ول.

ارمان بۇل كاسىپتى جالعىز باستاماپتى. سانتەحنيكالىق قىزمەت كورسەتەتىن كومپانيا اشۋ تۋرالى ۇسىنىس ءوزىنىڭ جاقىن تانىسى ءارى ەلەكتر سالاسىن جاقسى بىلەتىن مامان تالعات بەيىسوۆكە ايتقان.

– تالعاتپەن تانىسقان كەزدە ءوزىمنىڭ سانتەحنيكالىق قىزمەت كورسەتەتىن كومپانيا اشۋ تۋرالى ۇسىنىسىمدى ايتتىم. «سەن ەلەكتريكسىڭ، ەكەۋمىز بىرىگىپ، سانتەحنيكالىق جانە ەلەكتريكتىڭ قىزمەتىن كورسەتەتىن كومپانيا اشايىق. بۇعان وزىڭدەي قولىنان ءىس كەلەتىن ازاماتتاردى توپتاستىرايىق»، – دەدىم.

بىلىكتى مامان تالعات بەيىسوۆ ارماننىڭ باستاماسىن بىردەن قوستاي كەتتى.

«ءقازىر ءبىزدىڭ ءوز ەلەكتريكتەرىمىز جانە سانتەحنيكتەرىمىز بار. ءۇي شارۋاسىنداعى ۇساق-تۇيەك شارۋالارمەن اينالىساتىن باسقا دا مامانداردى قاناتىمىزدىڭ استىنا توپتاستىردىق»، – دەيدى ارماننىڭ سەرىكتەسى.

 arm-ددددارمان ايمانبەتوۆ:

«ءبىزدىڭ باعامىز ارزان»

– بايقاعانىمىز، اتالعان نارىقتا ەلەكتريكتىڭ، سانتەحنيكتىڭ قىزمەتى قىمبات تۇرادى. ولار قىزمەتىنەن بولەك  شاقىرتۋىنا جانە جولىنا الادى. قازىرگىدەي داعدارىس ۋاقىتىندا بۇل حالىقتىڭ قالتاسىنا ارتىق سالماق ەكەنى بەلگىلى. ءبىزدىڭ قىزمەتىمىز ءدال مۇنداي كومپانيالارمەن سالىستىرعاندا ادامنىڭ قالتاسىن قاقپايدى. ءبىراق، ارزان ەكەن دەپ، ساپاسىز قىزمەت كورسەتپەيمىز. شىنى كەرەك، مۇنداي كومپانيالار دا تابىلادى. ءبىزدىڭ باعامىز ارزان ءارى قىزمەت كورسەتۋ ساپامىز جوعارى، – دەيدى ارمان.

كومپانيانىڭ تاعى ءبىر ەرەكشىلىگى ءوز سايتى بار. بۇل سايتتا كومپانياداعى ەلەكتريكتەر مەن سانتەحنيكتەر تۋرالى تولىققاندى مالىمەت توپتاستىرىلعان.

بۇل نە ءۇشىن كەرەك؟

– ءبىرىنشى كەزەكتە، تۇرعىندار ءوز قاۋىپسىزدىگى ءۇشىن الاڭداماۋعا بولادى. ايتپەسە، قازىرگى كۇنى ءوزىن «ەلەكتريكپىز» نەمەسە «گاز جوندەۋشىمىز» دەپ تانىستىرىپ، بۇكىل ءبىر ءۇيدى ۇپتەپ كەتەتىن قاراقشىلار دا جوق ەمەس.

 ياعني، ءبىزدىڭ كومپانياداعى ماماندار انا قىردان، مىنا قىردان جينالعان ازاماتتار ەمەس. كاسىبي ءبىلىمى بار، تاجىريبەلى ازاماتتار.

ايتالىق، ساپاسىز قىزمەت كورسەتكەن ەلەكتريكتى ءسىز قايتىپ تابا الماۋىڭىز مۇمكىن. سەبەبى، ونىڭ تەلەفونىنان باسقا كىم ەكەنىن، قايدا تۇراتىنىن مۇلدەم بىلمەيسىز. ال ءبىزدىڭ جاعدايدا جاسالعان جۇمىسقا كوڭىلىڭىز تولماسا، كومپانياعا حابارلاسىپ، ءوز ارىز-شاعىمىڭىزدى بىلدىرۋىڭىزگە بولادى. ياعني، ءبىزدىڭ جۇمىس جاساۋ ءستيلىمىزدىڭ ءوزى زاماناۋي. ءتىپتى ماماندارىمىزدىڭ وزىنە ارنايى ۋنيفورما كيگىزەمىز. الاتىن ادامدارىمىزدىڭ بارلىعى ءجىتى تەكسەرۋدەن وتكەن ماماندار، – دەيدى  بۇل رەتتە ارمان ايمانبەتوۆ.

ءوز تاراپىمىزدان ايتا كەتەلىك، AlmaDom كومپانياسىنىڭ سايتىندا مامانداردىڭ سۋرەتى، تەلەفونى جانە باسقا دا دەرەگى توپتاستىرىلعان. ياعني، سايتقا كىرگەن تۇرعىندار ءوزىنىڭ كوڭىلىنە جاققان ماماندى وسى ارقىلى تاڭداپ، شاقىرا الادى.

ەڭ باستىسى، تۇرعىندار ءوزىنىڭ قانداي ماماندى شاقىرعانىن، ونىڭ ءتۇر كەلبەتى قانداي، جۇمىس تاجىريبەسى قانشالىقتى ەكەنىن ءبىلىپ وتىرادى.  

تالعات بەيىسوۆ:

20160402_152502«ءبىز دورەكى ەمەسپىز»

– بىزدە قىزمەت ساپاسىن جاسالعان، ىستەلگەن ونىممەن عانا ەسەپتەمەيمىز. اشىعىن ايتۋ كەرەك، كوپ جاعدايدا ءبىزدىڭ قوعامدا دورەكىلىك باسىم. ءتىپتى، ۇيىڭە شاقىرعان ەلەكتريكتىڭ ءوزى ساعان ءامىرىن جۇرگىزىپ، جۇمىسىن اپىل-عۇپىل ىستەپ كەتۋگە اسىعىپ تۇرادى. ءبىز مۇندايعا جول بەرمەيمىز. ءبىزدىڭ ماماندار – سىپايى جانە مادەنيەتتى.  سانتەحنيكتەرىمىز بەن ەلەكتريكتەرىمىزگە دورەكى بولماۋدى، تۇتىنۋشىلارعا قىزمەت كورسەتۋدە ءاردايىم مادەنيەت ساقتاۋدى قاداپ ايتامىز.

ەڭ باستىسى، ءبىز جاساعان جۇمىسىمىزعا كەپىلدىك بەرەمىز. 

 

ۇسىنىلعان
سوڭعى جاڭالىقتار
x