Álihan Smaiylov qyzmetine qaita taǵaiyndaldy, dep habarlaidy dalanews.kz.
Memleket basshysynyń Jarlyǵymen Álihan Ashanuly Smaiylov Qazaqstan Respýblikasy Joǵary aýditorlyq palatasynyń Tóraǵasy laýazymyna taǵaiyndaldy.
Aita keteiik, Álihan Smaiylov 1972 jyldyń 18 jeltoqsanynda Almaty qalasynda dúniege kelgen.
1993-1999 jyldary «A-Invest» investitsiialyq-jekeshelendirý qorynda, Qazaqstan Respýblikasynyń Ulttyq statistika agenttiginde, Statistikalyq josparlaý jáne reformalar agenttiginiń Statistika jáne taldaý komiteti tóraǵasynyń orynbasary, Qazaqstan Respýblikasy Prezidenti Ákimshiliginiń memlekettik inspektory bolyp qyzmet atqarǵan. 1999-2003 jj. — Qazaqstan Respýblikasynyń Statistika agenttiginiń tóraǵasy. 2003-2006 jj. — Qazaqstan Respýblikasynyń Syrtqy ister vitse-ministri, «Eksporttyq kreditter men investitsiialardy saqtandyrý jónindegi memlekettik saqtandyrý kompaniiasy» AQ basqarma tóraǵasy. 2006-2009 jj. — Qazaqstan Respýblikasynyń Qarjy vitse-ministri, «QazAgro» ulttyq holdingi» AQ prezidenti. 2009-2014 jj. — Qazaqstan Respýblikasy Statistika agenttiginiń tóraǵasy. 2014-2015 jj. — Qazaqstan Respýblikasy Ulttyq ekonomika ministrliginiń Statistika komitetiniń tóraǵasy. 2015-2018 jj. — Qazaqstan Respýblikasy Prezidentiniń kómekshisi. 2018 - 2019 jj. — Qazaqstan Respýblikasynyń Qarjy ministri. 2019-2021 jj. — Qazaqstan Respýblikasy Premer-Ministriniń birinshi orynbasary – Qarjy ministri. 2022-2024 jj. — Qazaqstan Respýblikasynyń Premer-Ministri.
Qazaqstan Respýblikasy Prezidentiniń 2024 jylǵy 1 sáýirdegi №512 Jarlyǵymen Qazaqstan Respýblikasy Joǵary aýditorlyq palatasynyń tóraǵasy bolyp taǵaiyndaldy
