Alǵashqy túlekter qanat qaqty
2010 jyly Qazaqstan Prezidentiniń bastamasymen qurylǵan bul oqý orny otandyq bilim berýdiń úzdik úlgisi bolyp tabylady. Biyl ýniversitetti 446 stýdent támamdap otyr. Jalpy, oqý orny ashylǵannan beri jeti mekteptegi stýdentter sany 2 800-ge deiin jetken. Jyl saiyn 500 adam oqý grantyna ie bolýda. Magistranttar men doktoranttar da memlekettik bilim berý tapsyrysy boiynsha bilim alady. Saltanatty sharada Elbasy:
– Barshańyzdy osynaý tarihi sátpen jáne ýniversitettiń alǵashqy mereitoiy bes jyldyǵymen shyn júregimmen quttyqtaimyn. Bolashaqta san myńdaǵan túlekter úshin san ǵasyrlyq merekeler jasalatyn bolady. Sebebi, Nazarbaev Ýniversiteti – Máńgilik eldiń mańdai aldy bilim berý oshaǵy. Búginde elimizdegi myńdaǵan stýdentter diplomdaryn alyp jatyr. Men osy minberden elimizdiń barlyq túlekterin quttyqtaimyn. Jas mamandardyń ómirden laiyqty oryndaryn tabýyna tilektespin! – dedi Memleket basshysy. Osy oraida Elbasy IýNISEF baǵalaýy boiynsha Jastardy damytýdyń jahandyq indeksinde Qazaqstan kóshbasshy elderdiń arasynda 27-oryndy ielene otyryp, alǵashqy otyzdyqtyń arasynda ekenin, sondai-aq bul joǵary kórsetkish ekenin atap ótti.
Qazirgi tańda Nazarbaev Ýniversitetiniń jańa bes qabatty ǵimaraty ashylǵan. Aitýly oqý oryn qazir intellektýaldy qazaq jastarynyń ortalyǵyna ainalýda. HHI ǵasyrda bilim men ǵylymsyz alǵa basý múmkin emes. Muny jete túsingen jastarymyz bar qajyr-qairatyn bilim alýǵa jumsap keledi. Qazaq jastarynyń bilimge degen qushtarlyǵyn baiqaǵan Elbasy álemdegi ǵylymi ortalyqtardan kem túspeitin oqý ordasyn ashyp, bilikti ustazdar aldyrtty. Bul Elbasynyń jastarǵa jasaǵan úlken syiy desek, qatelespeimiz. Diplomyn qolyna alǵan Nazarbaev Ýniversitetiniń túlegi Erbol Alshynbaev kókiregin kernegen qýanyshty bylaisha jetkizdi:
– Nazarbaev Ýniversiteti – Elbasy Nursultan Nazarbaevtyń erekshe qoldaýymen paida bolǵan oqý orny. Búgin biz Elbasynyń qolynan diplom alyp, úlken jaýapkershilik júgin arqaladyq. Meniń qatarlastarym aldaǵy ýaqytta elimizdiń táýelsizdigin nyǵaityp, ekonomikalyq damýyna óz úlesin qosatynyna senimdimin. Qazaqstanda osyndai álemdik deńgeide bilim beretin oqý ornyn ashyp, qazaq jastaryna múmkindik bergen Prezidentimizge alǵys aitamyn, – dep óziniń rizashylyǵyn bildirdi.
