العاشقى تٷلەكتەر قانات قاقتى
2010 جىلى قازاقستان پرەزيدەنتٸنٸڭ باستاماسىمەن قۇرىلعان بۇل وقۋ ورنى وتاندىق بٸلٸم بەرۋدٸڭ ٷزدٸك ٷلگٸسٸ بولىپ تابىلادى. بيىل ۋنيۆەرسيتەتتٸ 446 ستۋدەنت تەمامداپ وتىر. جالپى, وقۋ ورنى اشىلعاننان بەرٸ جەتٸ مەكتەپتەگٸ ستۋدەنتتەر سانى 2 800-گە دەيٸن جەتكەن. جىل سايىن 500 ادام وقۋ گرانتىنا يە بولۋدا. ماگيسترانتتار مەن دوكتورانتتار دا مەملەكەتتٸك بٸلٸم بەرۋ تاپسىرىسى بويىنشا بٸلٸم الادى. سالتاناتتى شارادا ەلباسى:
– بارشاڭىزدى وسىناۋ تاريحي سەتپەن جەنە ۋنيۆەرسيتەتتٸڭ العاشقى مەرەيتويى بەس جىلدىعىمەن شىن جٷرەگٸممەن قۇتتىقتايمىن. بولاشاقتا سان مىڭداعان تٷلەكتەر ٷشٸن سان عاسىرلىق مەرەكەلەر جاسالاتىن بولادى. سەبەبٸ, نازارباەۆ ۋنيۆەرسيتەتٸ – مەڭگٸلٸك ەلدٸڭ ماڭداي الدى بٸلٸم بەرۋ وشاعى. بٷگٸندە ەلٸمٸزدەگٸ مىڭداعان ستۋدەنتتەر ديپلومدارىن الىپ جاتىر. مەن وسى مٸنبەردەن ەلٸمٸزدٸڭ بارلىق تٷلەكتەرٸن قۇتتىقتايمىن. جاس مامانداردىڭ ٶمٸردەن لايىقتى ورىندارىن تابۋىنا تٸلەكتەسپٸن! – دەدٸ مەملەكەت باسشىسى. وسى ورايدا ەلباسى يۋنيسەف باعالاۋى بويىنشا جاستاردى دامىتۋدىڭ جاھاندىق يندەكسٸندە قازاقستان كٶشباسشى ەلدەردٸڭ اراسىندا 27-ورىندى يەلەنە وتىرىپ, العاشقى وتىزدىقتىڭ اراسىندا ەكەنٸن, سونداي-اق بۇل جوعارى كٶرسەتكٸش ەكەنٸن اتاپ ٶتتٸ.
قازٸرگٸ تاڭدا نازارباەۆ ۋنيۆەرسيتەتٸنٸڭ جاڭا بەس قاباتتى عيماراتى اشىلعان. ايتۋلى وقۋ ورىن قازٸر ينتەللەكتۋالدى قازاق جاستارىنىڭ ورتالىعىنا اينالۋدا. ححٸ عاسىردا بٸلٸم مەن عىلىمسىز العا باسۋ مٷمكٸن ەمەس. مۇنى جەتە تٷسٸنگەن جاستارىمىز بار قاجىر-قايراتىن بٸلٸم الۋعا جۇمساپ كەلەدٸ. قازاق جاستارىنىڭ بٸلٸمگە دەگەن قۇشتارلىعىن بايقاعان ەلباسى ەلەمدەگٸ عىلىمي ورتالىقتاردان كەم تٷسپەيتٸن وقۋ ورداسىن اشىپ, بٸلٸكتٸ ۇستازدار الدىرتتى. بۇل ەلباسىنىڭ جاستارعا جاساعان ٷلكەن سىيى دەسەك, قاتەلەسپەيمٸز. ديپلومىن قولىنا العان نازارباەۆ ۋنيۆەرسيتەتٸنٸڭ تٷلەگٸ ەربول الشىنباەۆ كٶكٸرەگٸن كەرنەگەن قۋانىشتى بىلايشا جەتكٸزدٸ:
– نازارباەۆ ۋنيۆەرسيتەتٸ – ەلباسى نۇرسۇلتان نازارباەۆتىڭ ەرەكشە قولداۋىمەن پايدا بولعان وقۋ ورنى. بٷگٸن بٸز ەلباسىنىڭ قولىنان ديپلوم الىپ, ٷلكەن جاۋاپكەرشٸلٸك جٷگٸن ارقالادىق. مەنٸڭ قاتارلاستارىم الداعى ۋاقىتتا ەلٸمٸزدٸڭ تەۋەلسٸزدٸگٸن نىعايتىپ, ەكونوميكالىق دامۋىنا ٶز ٷلەسٸن قوساتىنىنا سەنٸمدٸمٸن. قازاقستاندا وسىنداي ەلەمدٸك دەڭگەيدە بٸلٸم بەرەتٸن وقۋ ورنىن اشىپ, قازاق جاستارىنا مٷمكٸندٸك بەرگەن پرەزيدەنتٸمٸزگە العىس ايتامىن, – دەپ ٶزٸنٸڭ ريزاشىلىعىن بٸلدٸردٸ.
