Qazaqstan Prezidentiniń Mońǵoliiaǵa memlekettik sapary aiasynda Jerdi qashyqtyqtan zondtaý júiesin qurý jáne damytýǵa baǵyttalǵan tarihi investitsiialyq kelisimge qol qoiyldy. Bul joba Mońǵoliia úshin spýtnik qurýdy kózdeidi, ol jalpy qazaqstandyq-mońǵoldyq spýtniktik toptamanyń quramyna kiredi, dep habarlaidy Dalanews.kz.
Ár taraptyń spýtnikterdi derbes basqarýy Qazaqstan men Mońǵoliiaǵa tabiǵi resýrstardy monitoringileý jáne aýyl sharýashylyǵyn damytý úshin qajetti derekterge qol jetkizýdi qamtamasyz etedi.
"Airyqsha atap ótetin jait — bul Qazaqstan tarihyndaǵy qazaqstandyq injenerler tolyq ázirlegen alǵashqy eksporttyq spýtnik bolmaq. Spýtnik Mońǵoliianyń qajettilikterine beiimdelip, óńirlik spýtniktik infraqurylymdy nyǵaitady jáne Qazaqstannyń ǵarysh tehnologiialary salasyndaǵy áleýetiniń artyp kele jatqanyn kórsetedi", — dep atap ótti QR tsifrlyq damý, innovatsiialar jáne aeroǵarysh ónerkásibi ministri Jaslan Mádiev.
Qashyqtyqtan zondtaý tehnologiialary eki elge de jerdiń jaǵdaiyn tiimdirek baqylaýǵa, sý resýrstaryn basqarýǵa jáne qorshaǵan ortadaǵy ózgeristerdi taldaýǵa múmkindik beredi. Qazaqstan men Mońǵoliia ózderiniń tehnikalyq quzyretterin biriktire otyryp, ekonomikanyń ózekti máselelerin sheshýge jáne turaqty damýdy qoldaýǵa baǵyttalǵan quraldar ázirleidi.
Joba Qazaqstannyń Ulttyq ǵarysh ortalyǵy bazasynda mońǵol injenerleriniń qatysýymen júzege asyrylady. Qazaqstandyq mamandar joba barysynda mońǵol áriptesterin oqytý mindetin óz moinyna alyp, qajetti bilimniń berilýi men kásibi bailanysty nyǵaitýǵa úles qosady. Mundai ózara árekettestik mońǵol injenerleriniń biliktiligin arttyryp, eki el arasyndaǵy ǵylymi jáne tehnikalyq yntymaqtastyqty tereńdetedi.
Bul joba Qazaqstan men Mońǵoliianyń ozyq tehnologiialardy damytýǵa degen umtylysyn bildirip, ǵarysh salasy men tabiǵi resýrstardy turaqty paidalanýda seriktestikke jańa perspektivalar ashady dep kútiledi.
Aita ketsek, 29 qazanda Qazaqstanǵa Mońǵoliiaǵa resmi saparmen keldi. Qazaqstan Prezidenti shaǵyn quramdaǵy kezdesýdiń qorytyndysyna joǵary baǵa berip, Mońǵoliiamen memleketaralyq qarym-qatynasty odan ári damytýdyń basym baǵyttaryn aiqyndady. Al Ýhnaagiin Hýrelsýh Qasym-Jomart Toqaevtyń eki el arasyndaǵy taýar ainalymyn 500 million dollarǵa deiin jetkizý týraly usynysyn qoldady.
