IIM amnistiia týraly zańnyń júzege asyrylýy jóninde málimet berdi, dep habarlaidy dalanews.kz.
1 shildede Memleket basshysy Qazaqstannyń jańa Konstitýtsiiasy qabyldanýyna orai jariialanǵan amnistiia týraly zańǵa qol qoidy. Táýelsiz Qazaqstan tarihynda alǵash ret ákimshilik amnistiia ótkizildi. Onyń aiasynda zańda kórsetilgen baptar boiynsha azamattar ákimshilik aiyppul tóleýden bosatyldy.
Ishki ister organdarynyń baǵyty boiynsha amnistiia shamamen 590 myń azamatqa qatysty qoldanyldy. Nátijesinde olarǵa qatysty 1,3 millionnan asa ákimshilik óndirip alý toqtatylyp, jalpy somasy 22 milliard teńgeden asatyn aiyppuldar esepten shyǵaryldy.
"Amnistiia – bir rettik izgilik sharasy. Ol bolashaqta jasalatyn quqyq buzýshylyqtar úshin jaýapkershilikten bosatpaidy. Eger azamat qaitadan quqyq buzsa, ol zań talaptaryna sáikes tolyq jaýapkershilikke tartylady", — dedi QR IIM ÁPK tóraǵasy Murat Qabdenov.
