Prezident Qasym-Jomart Toqaev Úkimettiń keńeitilgen otyrysynda densaýlyq saqtaý, bilim berý jáne investitsiia tartý salalarynda júieli zańbuzýshylyqtar men ashyqtyqtyń joqtyǵyna qatań syn aitty, dep habarlaidy Dalanews.kz.
Memleket basshysy densaýlyq saqtaý salasynda ondaǵan aqparattyq júieniń bir-birimen bailanyspai, jyldar boiy rettelmei kelgenin atap ótti. Onyń aitýynsha, bul jaǵdai biýdjet qarjysyn igerý kezinde túrli zańsyz shemalardyń paida bolýyna tikelei sebep bolǵan.
«Densaýlyq saqtaý salasynda 30-dan astam bytyrańqy aqparattyq júie bar. Osy jyldar ishinde bul júieler tolyqqandy biriktirilgen joq. Bul – biýdjet qarajatyn igerý barysynda oryn alǵan zańbuzýshylyqtardyń negizgi sebepteriniń biri. Profildi ministrlerdiń kóz aldynda áleýmettik salada buryn-sońdy bolmaǵan kólemde, ashyq ári óreskel alaiaqtyq shemalar iske asqan. Bas prokýratýra men basqa da ýákiletti organdar qylmystardyń barlyq jai-japsaryn, merzimine nemese ony japqandardyń kim ekenine qaramastan tolyq ashýy tiis. Tergeý barysyn jeke ózim baqylaýda ustaimyn», – dedi Prezident.
Qasym-Jomart Toqaev Úkimetke biyl 1 jeltoqsanǵa deiin Biryńǵai memlekettik meditsinalyq aqparattyq júieni tolyq iske qosýdy tapsyrdy. Bul júie barlyq protsestiń ashyqtyǵyn qamtamasyz etip, qarjynyń maqsatty jumsalýyn baqylaýǵa múmkindik berýi tiis.
Memleket basshysy mindetti áleýmettik meditsinalyq saqtandyrý júiesindegi olqylyqtarǵa da toqtaldy. Onyń aitýynsha, Áleýmettik meditsinalyq saqtandyrý qorynda jalǵan esep pen qoldan jasalǵan kórsetkishterge jol ashatyn tetikter anyqtalǵan.
«Mindetti áleýmettik meditsinalyq saqtandyrý júiesinde tolyq ashyqtyq bolýy qajet. Qorda pripiska men jalǵan esepke múmkindik beretin olqylyqtar bar ekeni anyqtaldy. Ulttyq quryltaida bul máselege arnaiy toqtaldym. Bas prokýratýra men quqyq qorǵaý organdary barlyq qarjy jymqyrý faktilerine qatysy bar adamdardy qylmystyq jaýapkershilikke tartýy kerek», – dedi Toqaev.
Prezident bilim berý salasynda da zańsyz áreketter keń taralǵanyn aitty. Onyń sózinshe, bul salada da túrli alaiaqtyq pen qarjylyq manipýliatsiialar bar.
«Bilim berý salasynda da túrli alaiaqtyq pen zańsyz shemalar anyqtaldy. Quqyq buzýshylar mindetti túrde zań aldynda jaýap berýi tiis», – dedi Memleket basshysy.
Osyǵan bailanysty Úkimetke jyl sońyna deiin Áleýmettik meditsinalyq saqtandyrý qorynyń qyzmetin tolyq tsifrlandyrý tapsyryldy. Prezidenttiń aitýynsha, bul sharalarsyz ashyqtyqty qamtamasyz etý múmkin emes.
Sonymen qatar Qasym-Jomart Toqaev jańa investitsiialyq kezeńdi tolyq iske qosýdyń strategiialyq mańyzyn atap ótti. Onyń aitýynsha, sońǵy jyldary investitsiia kólemi artqanymen, qarqyny áli de jetkiliksiz.
«2022 jyldan beri tikelei sheteldik investitsiialardyń jinaqtalǵan kólemi 84 milliard dollardan asty. Negizgi kapitalǵa salynǵan investitsiialar shamamen 50 paiyzǵa ósti. Degenmen, ótken jyly investitsiia tartý jaqsarǵanymen, onyń qarqyny áli de jetkiliksiz», – dedi Prezident.
Memleket basshysy memlekettiń jeke kapitaldy almastyrmaýy tiis ekenin qadap aitty.
«Memleket jeke kapitaldyń ornyn baspaýy kerek. Biýdjetten aqsha alyp, ony ózimiz investitsiialaǵan ońai. Al jeke kapitaldy tartý úshin jaǵdai jasaý áldeqaida kúrdeli. Sondyqtan naryqtyq ekonomika qaǵidattaryna adal bolýymyz qajet», – dep túiindedi Qasym-Jomart Toqaev.
