پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا دەنساۋلىق ساقتاۋ, بٸلٸم بەرۋ جەنە ينۆەستيتسييا تارتۋ سالالارىندا جٷيەلٸ زاڭبۇزۋشىلىقتار مەن اشىقتىقتىڭ جوقتىعىنا قاتاڭ سىن ايتتى, دەپ حابارلايدى Dalanews.kz.
مەملەكەت باسشىسى دەنساۋلىق ساقتاۋ سالاسىندا ونداعان اقپاراتتىق جٷيەنٸڭ بٸر-بٸرٸمەن بايلانىسپاي, جىلدار بويى رەتتەلمەي كەلگەنٸن اتاپ ٶتتٸ. ونىڭ ايتۋىنشا, بۇل جاعداي بيۋدجەت قارجىسىن يگەرۋ كەزٸندە تٷرلٸ زاڭسىز سحەمالاردىڭ پايدا بولۋىنا تٸكەلەي سەبەپ بولعان.
«دەنساۋلىق ساقتاۋ سالاسىندا 30-دان استام بىتىراڭقى اقپاراتتىق جٷيە بار. وسى جىلدار ٸشٸندە بۇل جٷيەلەر تولىققاندى بٸرٸكتٸرٸلگەن جوق. بۇل – بيۋدجەت قاراجاتىن يگەرۋ بارىسىندا ورىن العان زاڭبۇزۋشىلىقتاردىڭ نەگٸزگٸ سەبەپتەرٸنٸڭ بٸرٸ. پروفيلدٸ مينيسترلەردٸڭ كٶز الدىندا ەلەۋمەتتٸك سالادا بۇرىن-سوڭدى بولماعان كٶلەمدە, اشىق ەرٸ ٶرەسكەل الاياقتىق سحەمالار ٸسكە اسقان. باس پروكۋراتۋرا مەن باسقا دا ۋەكٸلەتتٸ ورگاندار قىلمىستاردىڭ بارلىق جاي-جاپسارىن, مەرزٸمٸنە نەمەسە ونى جاپقانداردىڭ كٸم ەكەنٸنە قاراماستان تولىق اشۋى تيٸس. تەرگەۋ بارىسىن جەكە ٶزٸم باقىلاۋدا ۇستايمىن», – دەدٸ پرەزيدەنت.
قاسىم-جومارت توقاەۆ ٷكٸمەتكە بيىل 1 جەلتوقسانعا دەيٸن بٸرىڭعاي مەملەكەتتٸك مەديتسينالىق اقپاراتتىق جٷيەنٸ تولىق ٸسكە قوسۋدى تاپسىردى. بۇل جٷيە بارلىق پروتسەستٸڭ اشىقتىعىن قامتاماسىز ەتٸپ, قارجىنىڭ ماقساتتى جۇمسالۋىن باقىلاۋعا مٷمكٸندٸك بەرۋٸ تيٸس.
مەملەكەت باسشىسى مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندەگٸ ولقىلىقتارعا دا توقتالدى. ونىڭ ايتۋىنشا, ەلەۋمەتتٸك مەديتسينالىق ساقتاندىرۋ قورىندا جالعان ەسەپ پەن قولدان جاسالعان كٶرسەتكٸشتەرگە جول اشاتىن تەتٸكتەر انىقتالعان.
«مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە تولىق اشىقتىق بولۋى قاجەت. قوردا پريپيسكا مەن جالعان ەسەپكە مٷمكٸندٸك بەرەتٸن ولقىلىقتار بار ەكەنٸ انىقتالدى. ۇلتتىق قۇرىلتايدا بۇل مەسەلەگە ارنايى توقتالدىم. باس پروكۋراتۋرا مەن قۇقىق قورعاۋ ورگاندارى بارلىق قارجى جىمقىرۋ فاكتٸلەرٸنە قاتىسى بار ادامداردى قىلمىستىق جاۋاپكەرشٸلٸككە تارتۋى كەرەك», – دەدٸ توقاەۆ.
پرەزيدەنت بٸلٸم بەرۋ سالاسىندا دا زاڭسىز ەرەكەتتەر كەڭ تارالعانىن ايتتى. ونىڭ سٶزٸنشە, بۇل سالادا دا تٷرلٸ الاياقتىق پەن قارجىلىق مانيپۋلياتسييالار بار.
«بٸلٸم بەرۋ سالاسىندا دا تٷرلٸ الاياقتىق پەن زاڭسىز سحەمالار انىقتالدى. قۇقىق بۇزۋشىلار مٸندەتتٸ تٷردە زاڭ الدىندا جاۋاپ بەرۋٸ تيٸس», – دەدٸ مەملەكەت باسشىسى.
وسىعان بايلانىستى ٷكٸمەتكە جىل سوڭىنا دەيٸن ەلەۋمەتتٸك مەديتسينالىق ساقتاندىرۋ قورىنىڭ قىزمەتٸن تولىق تسيفرلاندىرۋ تاپسىرىلدى. پرەزيدەنتتٸڭ ايتۋىنشا, بۇل شارالارسىز اشىقتىقتى قامتاماسىز ەتۋ مٷمكٸن ەمەس.
سونىمەن قاتار قاسىم-جومارت توقاەۆ جاڭا ينۆەستيتسييالىق كەزەڭدٸ تولىق ٸسكە قوسۋدىڭ ستراتەگييالىق ماڭىزىن اتاپ ٶتتٸ. ونىڭ ايتۋىنشا, سوڭعى جىلدارى ينۆەستيتسييا كٶلەمٸ ارتقانىمەن, قارقىنى ەلٸ دە جەتكٸلٸكسٸز.
«2022 جىلدان بەرٸ تٸكەلەي شەتەلدٸك ينۆەستيتسييالاردىڭ جيناقتالعان كٶلەمٸ 84 ميلليارد دوللاردان استى. نەگٸزگٸ كاپيتالعا سالىنعان ينۆەستيتسييالار شامامەن 50 پايىزعا ٶستٸ. دەگەنمەن, ٶتكەن جىلى ينۆەستيتسييا تارتۋ جاقسارعانىمەن, ونىڭ قارقىنى ەلٸ دە جەتكٸلٸكسٸز», – دەدٸ پرەزيدەنت.
مەملەكەت باسشىسى مەملەكەتتٸڭ جەكە كاپيتالدى الماستىرماۋى تيٸس ەكەنٸن قاداپ ايتتى.
«مەملەكەت جەكە كاپيتالدىڭ ورنىن باسپاۋى كەرەك. بيۋدجەتتەن اقشا الىپ, ونى ٶزٸمٸز ينۆەستيتسييالاعان وڭاي. ال جەكە كاپيتالدى تارتۋ ٷشٸن جاعداي جاساۋ ەلدەقايدا كٷردەلٸ. سوندىقتان نارىقتىق ەكونوميكا قاعيداتتارىنا ادال بولۋىمىز قاجەت», – دەپ تٷيٸندەدٸ قاسىم-جومارت توقاەۆ.
