Qytai soty memlekettik iri banktiń burynǵy basshysy Liý Liangeni ólim jazasyna kesti. Ol jemqorlyq jáne nesieni zańsyz berý baptary boiynsha kináli tanylǵan, - dep habarlaidy Dalanews.kz Azattyqqa siltep.
Liý Liange aktiv kólemi jaǵynan álemdegi eń iri bes banktiń qataryna kirgen Qytai bankine jetekshilik etken.
Ol 2023 jyly kompartiiadan shyǵarylyp, biyl aqpanda qamaldy. Qyzmetinen alynyp, oǵan 121 mln iýannan (shamamen 16,8 mln dollar) astam para aldy degen aiyp taǵyldy. South China Morning Post basylymynyń jazýynsha, ol jemqorlyqpen kúres kampaniiasyna ilingen qarjy salasynyń eń joǵary laýazymdy ókili.
"Sinhýa" agenttiginiń jazýynsha, sot úkimi eki jyldan keiin oryndalady. Úkim boiynsha, ol barlyq saiasi quqyqtan aiyrylyp, barlyq múlki tárkilengen.
Qytai zańy boiynsha keiinge qaldyrylǵan ólim jazasy ómirlik túrme jazasymen almastyrylýy múmkin.
Qytai ólim jazasyn oryndaý boiynsha álemde birinshi orynda turǵan bolýy múmkin. Pekin mundai statistikany jariialamaidy, alaida quqyq qorǵaýshylar jyl saiyn elde birneshe myń adam darǵa asylatynyn aitady.
Bul ózge elderden qaraǵanda áldeqaida kóp. Amnesty International uiym esebinshe, byltyr Qytaida 1153 adam darǵa asylǵan.
