قىتاي سوتى مەملەكەتتٸك ٸرٸ بانكتٸڭ بۇرىنعى باسشىسى ليۋ ليانگەنٸ ٶلٸم جازاسىنا كەستٸ. ول جەمقورلىق جەنە نەسيەنٸ زاڭسىز بەرۋ باپتارى بويىنشا كٸنەلٸ تانىلعان, - دەپ حابارلايدى Dalanews.kz ازاتتىققا سٸلتەپ.
ليۋ ليانگە اكتيۆ كٶلەمٸ جاعىنان ەلەمدەگٸ ەڭ ٸرٸ بەس بانكتٸڭ قاتارىنا كٸرگەن قىتاي بانكٸنە جەتەكشٸلٸك ەتكەن.
ول 2023 جىلى كومپارتييادان شىعارىلىپ, بيىل اقپاندا قامالدى. قىزمەتٸنەن الىنىپ, وعان 121 ملن يۋاننان (شامامەن 16,8 ملن دوللار) استام پارا الدى دەگەن ايىپ تاعىلدى. South China Morning Post باسىلىمىنىڭ جازۋىنشا, ول جەمقورلىقپەن كٷرەس كامپانيياسىنا ٸلٸنگەن قارجى سالاسىنىڭ ەڭ جوعارى لاۋازىمدى ٶكٸلٸ.
"سينحۋا" اگەنتتٸگٸنٸڭ جازۋىنشا, سوت ٷكٸمٸ ەكٸ جىلدان كەيٸن ورىندالادى. ٷكٸم بويىنشا, ول بارلىق ساياسي قۇقىقتان ايىرىلىپ, بارلىق مٷلكٸ تەركٸلەنگەن.
قىتاي زاڭى بويىنشا كەيٸنگە قالدىرىلعان ٶلٸم جازاسى ٶمٸرلٸك تٷرمە جازاسىمەن الماستىرىلۋى مٷمكٸن.
قىتاي ٶلٸم جازاسىن ورىنداۋ بويىنشا ەلەمدە بٸرٸنشٸ ورىندا تۇرعان بولۋى مٷمكٸن. پەكين مۇنداي ستاتيستيكانى جارييالامايدى, الايدا قۇقىق قورعاۋشىلار جىل سايىن ەلدە بٸرنەشە مىڭ ادام دارعا اسىلاتىنىن ايتادى.
بۇل ٶزگە ەلدەردەن قاراعاندا ەلدەقايدا كٶپ. Amnesty International ۇيىم ەسەبٸنشە, بىلتىر قىتايدا 1153 ادام دارعا اسىلعان.
