Prezident Qasym-Jomart Toqaev álemdegi qazirgi ahýal týraly aitty, dep habarlaidy Dalanews.kz.
Búgin Prezident Astana halyqaralyq forýmynyń Plenarlyq sessiiasynda sóz sóiledi.
«Sózsiz, biz betpe-bet kelip otyrǵan syn-qaterler transulttyq sipatqa ie. Desek te oǵan qarsy áreketimizde birizdilik joq. Álemdegi ahýal óte shetin, turaqsyz ári kereǵarlyqqa toly. Sondyqtan jahandyq yntymaqtastyq úshin qurylǵan institýttar osy jaǵdailarǵa sai bolýǵa tiis.
Qazaqstan orta derjavalar ádiletti ári inkliýzivti álemdik tártiptiń ornaýyna múddeli bolýy kerek dep sanaidy. Qazirgi júieni muqiiat saralap, tyń ádis-tásilderge súiený qajet. Soǵan sáikes, orta derjavalar da jaýapkershilik júgin kóterýge daiyn bolýǵa tiis.
Jyl sońyna taman Niý-Iorkte BUU-nyń 80 jyldyǵyn atap ótemiz. 1945 jyly, iaǵni, dúnie júzindegi surapyl soǵystan keiin 51 memleket birge qurǵan bul Uiym beibit ári qaýipsiz álemdi qurýdyń batyl jolyn usyndy. Búginde Uiymǵa 193 el múshe. Osylaisha, ol álemdegi quramy áralýan, kúrdeli ári ózara tyǵyz bailanysqan qoǵamdastyqqa ainaldy», - deidi prezident.
