Álemde áýe kompaniialary reister sanyn jappai qysqartyp jatyr. Keiingi eki aptada 12 myń reis toqtaǵan, dep habarlaidy dalanews.kz.
The Economist málimetinshe, atalǵan ózgeristerden keiin álem boiynsha ushaqtardaǵy jalpy oryn sany 130 millionǵa deiin azaiǵan.
Sarapshylar bul jaǵdaidy Taiaý Shyǵystaǵy geosaiasi ahýalmen bailanystyrady. Iran tóńiregindegi shielenis bastalǵaly aviatsiialyq janarmai baǵasy eki esege jýyq qymbattaǵan. Sol sebepti áýe kompaniialary tiimsiz baǵyttardy jabýǵa, shaǵyn ushaqtardy paidalanýǵa jáne bilet baǵasyn kóterýge májbúr bolǵan.
Eń kóp qysqartý jasaǵan kompaniialardyń qatarynda Turkish Airlines (shamamen 520 myń oryn) men Air China (490 myń oryn) bar. Al Lufthansa mamyr aiynyń ózinde 4 myńǵa jýyq reisti toqtatyp, jalpy mamyr-qazan aralyǵynda 20 myń reisti kesteden alyp tastaǵan.
Parsy shyǵanaǵyndaǵy Emirates, Etihad jáne Qatar Airways áýe kompaniialary da áli tolyq qýatynda jumys istep jatqan joq. Aimaqtaǵy keibir áýejailardyń jabylýyna bailanysty Eýropa men Aziia arasyndaǵy reisterdiń shamamen úshten biri qysqarǵan.
Sonymen qatar Singapýr men Tokio áýejailary áýe kompaniialarynan reister sanyn kóbeitpeýdi suraǵan. Al Vetnamda aviatsiialyq janarmaidy paidalanýǵa shekteý qoiylǵan.
