ەلەمدە ەۋە كومپانييالارى رەيستەر سانىن جاپپاي قىسقارتىپ جاتىر. كەيٸنگٸ ەكٸ اپتادا 12 مىڭ رەيس توقتاعان, دەپ حابارلايدى dalanews.kz.
The Economist مەلٸمەتٸنشە, اتالعان ٶزگەرٸستەردەن كەيٸن ەلەم بويىنشا ۇشاقتارداعى جالپى ورىن سانى 130 ميلليونعا دەيٸن ازايعان.
ساراپشىلار بۇل جاعدايدى تاياۋ شىعىستاعى گەوساياسي احۋالمەن بايلانىستىرادى. يران تٶڭٸرەگٸندەگٸ شيەلەنٸس باستالعالى اۆياتسييالىق جانارماي باعاسى ەكٸ ەسەگە جۋىق قىمباتتاعان. سول سەبەپتٸ ەۋە كومپانييالارى تيٸمسٸز باعىتتاردى جابۋعا, شاعىن ۇشاقتاردى پايدالانۋعا جەنە بيلەت باعاسىن كٶتەرۋگە مەجبٷر بولعان.
ەڭ كٶپ قىسقارتۋ جاساعان كومپانييالاردىڭ قاتارىندا Turkish Airlines (شامامەن 520 مىڭ ورىن) مەن Air China (490 مىڭ ورىن) بار. ال Lufthansa مامىر ايىنىڭ ٶزٸندە 4 مىڭعا جۋىق رەيستٸ توقتاتىپ, جالپى مامىر-قازان ارالىعىندا 20 مىڭ رەيستٸ كەستەدەن الىپ تاستاعان.
پارسى شىعاناعىنداعى Emirates, Etihad جەنە Qatar Airways ەۋە كومپانييالارى دا ەلٸ تولىق قۋاتىندا جۇمىس ٸستەپ جاتقان جوق. ايماقتاعى كەيبٸر ەۋەجايلاردىڭ جابىلۋىنا بايلانىستى ەۋروپا مەن ازييا اراسىنداعى رەيستەردٸڭ شامامەن ٷشتەن بٸرٸ قىسقارعان.
سونىمەن قاتار سينگاپۋر مەن توكيو ەۋەجايلارى ەۋە كومپانييالارىنان رەيستەر سانىن كٶبەيتپەۋدٸ سۇراعان. ال ۆەتنامدا اۆياتسييالىق جانارمايدى پايدالانۋعا شەكتەۋ قويىلعان.
