2026 jylǵy fýtboldan álem chempionaty tarihtaǵy eń tabysty týrnir boldy. FIFA-nyń aldyn ala baǵalaýynsha, jarys uiymǵa 9 milliard dollardan astam tabys ákeledi, al tórt jyldyq tsikl boiynsha jalpy kiris boljamy 11 milliard dollarǵa deiin ulǵaityldy, dep habarlaidy dalanews.kz.
Biyl alǵash ret álem chempionatyna 32 emes, 48 ulttyq qurama qatysty. Sonyń nátijesinde matchtar sany 64-ten 104-ke deiin artty, dep jazady Bloomberg.
Týrnir barysynda stadiondar men jankúierler aimaqtaryna 15 million adam kelgen. Toptyq kezeńde arenalardyń tolymdylyǵy 99%-ǵa jýyqtaǵan. Sondai-aq televiziialyq transliatsiialar, bilet satylymy, jarnamalyq kelisimsharttar men kommertsiialyq jobalardan rekordtyq kiris túsken.
Biletterdiń baǵasy 60 dollardan 10 myń dollardan astam somaǵa deiin jetkenine qaramastan, suranys buryn-sońdy bolmaǵan deńgeide bolǵan. Ortasha bilet quny 900 dollardan asqan.
Kommertsiialyq jetistikten keiin FIFA prezidenti Djanni Infantino 2030 jylǵy álem chempionatyna qatysatyn quramalar sanyn 64 komandaǵa deiin kóbeitýdi usyndy.
Alaida 2026 jylǵy álem chempionaty tek qarjylyq jetistikterimen ǵana emes, birqatar daýly oqiǵalarymen de este qaldy. Atap aitqanda, AQSh prezidenti Donald Tramptyń týrnirge aralasýy, biletterge engizilgen dinamikalyq baǵa júiesi, viza rásimdeýdegi qiyndyqtar jáne finaldyq match ótken alańnyń shóbiniń bólikterin 3 myń dollarǵa satý qoǵamda qyzý talqylandy.
