"Za tebia, Báke" (ZTB) media jobasynyń negizin qalaýshy, mediamenedjer Marǵulan Tursynovtyń basy bálege qaldy. Bári onyń Threads jelisinde jazǵan jazbasynan bastalǵan, dep habarlaidy Dalanews.kz.
Til máselesi onsyz da qyzyp turǵan shaqta, Tursynov orys ultyna qatysty jazbasy otqa mai quiǵandai boldy.
"Sońǵy ýaqytta elimizde orystarǵa qatysty ultshyldyqtyń kúsheiýi baiqalyp otyr. Men, jergilikti ulttyń ókili retinde, moiyndaimyn - orystarǵa degen kózqarasym erekshe. Kóp jaǵdaida túrli máseleler boiynsha men dál solarǵa júginemin. Meili tehnika jóndeý, kólik, dizain, býhgalteriia sekildi máseleler bolsyn. Óitkeni men olardy anaǵurlym bilimdi, jaýapty ári turaqty dep esepteimin. Ashyq aitaiyn, kúndelikti ómirde olarsyz maǵan qiyn", - deidi Marǵulan Tursynov.
Al mynaý jazbasynyń túpnusqasy.
Threads qoldanýshylary mediamenedjerdiń bul jazbasyn qyzý talqylai tústi. Sózimiz dálelmen bolýy úshin Threads-te Tursynovqa qarsy jazylǵan jazbalardyń birsypyrasyn usynamyz.
"20 ǵasyrdaǵy 70 jyldyq quldyq sana men propagandanyń jemisi. Ne isteimiz endi sizdi, qaita tárbieleimiz. Chipke “pereproshivka” jasaý kerek.Qaljyń. Muhtar Maǵaýinniń kitaptaryn oqyp shyǵyńyz"
"ztb.kz paraqshasynyń iesi Marǵulan Tursynov aborigendik kompleksteri baryn moiyndap, kóptegen iste orystarǵa kóbirek senetinin jazdy. Ol olardy qazaqtarǵa qaraǵanda jaýapkershiligi mol dep sanaidy. Iaǵni, ol orystar óz ata-anasynan da aqyldy ári tártiptirek dep moiyndap otyr. Ókinishke qarai, aramyzda mundailar az emes. Meniń oiymsha, qazaqtar oǵan boikot jariialaýǵa mindetti. Qoisyn, onyń tek orys oqyrmandary qalsyn. Qazaqtar, onyń paraqshasynan da, ózinen de jazylýdan shyǵyńyzdar!"
"Marǵulan Tursynov, ne mynaý, masqara óz qazaqtaryńyzdy tómendetip. Jaman qazaq orys bola almaidy. Nashar adam ekensiz"
"Qaidaǵy natsionalizm? Ne aityp otyrsyń? Adamdar qazaq tili úshin uaiymyn bildirip jatsa. Saǵan bári bir shyǵar, seniń ZTB paraqshan orys tilinde júrgiziledi. Al bilim jaǵynan biz eshkimnen kem túspeimiz, robototehnika, shahmat, matematika, fizikadan barlyq jarystarda qazaq jastary úzdikter qatarynda".
Artynsha Marǵulan Tursynov daý týdyrǵan jazbasyn óshirip tastaǵan. Sonymen qatar, mediamenedjer jazbasyn túsindirýge tyrysty. Onyń sózinshe, áldekimder oiyn basqasha burmalap jiberipti.
"Qurmetti Qazaq baýyrlar, men oiymdy naqty jetkizbedim. Men óz Qazaq elimdi súiemin, men óz halqymnyń patriotymyn. Meniń aitaiyn degenim - áleýmettik ómirde biz orystardan alar berer dúnieleriz jeterlik. Meniń tek aitarym - ultarazdyq alaýyzdyqty toqtatý, Qazaqstannyń ár azamatyn syilaý. Biz arazdyqpen tildi de, mádinetti de úirete almaimyz. Meniń oiymdy basqa azamattar durys emes maǵynada burmalap jibergen siiaqty. Meni túsinbegen ár Qazaǵymnan keshirim suraimyn", - deidi Tursynov.
Aita keteiik, til máselesine qatysty daý buǵan deiin de bolǵan edi. Mysaly áleýmettik jelide tanymal zańger Erjan Esimhanovtyń qazaq tilinde sóileitinderge qatysty jazbasy qyzý talqyǵa túsken edi. Threads-tegi jazbadan keiin qalyń kópshilik ashyq pikir bildirip, narazylyǵyn kórsetti.
Zańger kóne tilderdegi mátinderdi qalpyna keltirip, erekshe kontent jasaityn Arum Natzorkhang esimdi bloger týraly aita kelip, sóz arasynda "bul qazaqshasóileshnikterge qaidan jetsin?" degendei mysqyldaǵan.
Halyqtyń ashyq reaktsiiasy
Jeli qoldanýshylary qazaq tili sóz bolǵan bul daýly jazbadan keiin únsiz qalmaǵan.
