"زا تەبيا، باكە" (ZTB) مەديا جوباسىنىڭ نەگىزىن قالاۋشى، مەديامەنەدجەر مارعۇلان تۇرسىنوۆتىڭ باسى بالەگە قالدى. ءبارى ونىڭ Threads جەلىسىندە جازعان جازباسىنان باستالعان، دەپ حابارلايدى Dalanews.kz.
ءتىل ماسەلەسى ونسىز دا قىزىپ تۇرعان شاقتا، تۇرسىنوۆ ورىس ۇلتىنا قاتىستى جازباسى وتقا ماي قۇيعانداي بولدى.
"سوڭعى ۋاقىتتا ەلىمىزدە ورىستارعا قاتىستى ۇلتشىلدىقتىڭ كۇشەيۋى بايقالىپ وتىر. مەن، جەرگىلىكتى ۇلتتىڭ وكىلى رەتىندە، مويىندايمىن - ورىستارعا دەگەن كوزقاراسىم ەرەكشە. كوپ جاعدايدا ءتۇرلى ماسەلەلەر بويىنشا مەن ءدال سولارعا جۇگىنەمىن. مەيلى تەحنيكا جوندەۋ، كولىك، ديزاين، بۋحگالتەريا سەكىلدى ماسەلەلەر بولسىن. ويتكەنى مەن ولاردى اناعۇرلىم ءبىلىمدى، جاۋاپتى ءارى تۇراقتى دەپ ەسەپتەيمىن. اشىق ايتايىن، كۇندەلىكتى ومىردە ولارسىز ماعان قيىن"، - دەيدى مارعۇلان تۇرسىنوۆ.
ال مىناۋ جازباسىنىڭ ءتۇپنۇسقاسى.
Threads قولدانۋشىلارى مەديامەنەدجەردىڭ بۇل جازباسىن قىزۋ تالقىلاي ءتۇستى. ءسوزىمىز دالەلمەن بولۋى ءۇشىن Threads-تە تۇرسىنوۆقا قارسى جازىلعان جازبالاردىڭ ءبىرسىپىراسىن ۇسىنامىز.
"20 عاسىرداعى 70 جىلدىق قۇلدىق سانا مەن پروپاگاندانىڭ جەمىسى. نە ىستەيمىز ەندى ءسىزدى، قايتا تاربيەلەيمىز. چيپكە “پەرەپروشيۆكا” جاساۋ كەرەك.قالجىڭ. مۇحتار ءماعاۋيننىڭ كىتاپتارىن وقىپ شىعىڭىز"
"ztb.kz پاراقشاسىنىڭ يەسى مارعۇلان تۇرسىنوۆ ابوريگەندىك كومپلەكستەرى بارىن مويىنداپ، كوپتەگەن ىستە ورىستارعا كوبىرەك سەنەتىنىن جازدى. ول ولاردى قازاقتارعا قاراعاندا جاۋاپكەرشىلىگى مول دەپ سانايدى. ياعني، ول ورىستار ءوز اتا-اناسىنان دا اقىلدى ءارى تارتىپتىرەك دەپ مويىنداپ وتىر. وكىنىشكە قاراي، ارامىزدا مۇندايلار از ەمەس. مەنىڭ ويىمشا، قازاقتار وعان بويكوت جاريالاۋعا مىندەتتى. قويسىن، ونىڭ تەك ورىس وقىرماندارى قالسىن. قازاقتار، ونىڭ پاراقشاسىنان دا، وزىنەن دە جازىلۋدان شىعىڭىزدار!"
"مارعۇلان تۇرسىنوۆ، نە مىناۋ، ماسقارا ءوز قازاقتارىڭىزدى تومەندەتىپ. جامان قازاق ورىس بولا المايدى. ناشار ادام ەكەنسىز"
"قايداعى ناسيوناليزم؟ نە ايتىپ وتىرسىڭ؟ ادامدار قازاق ءتىلى ءۇشىن ۇايىمىن ءبىلدىرىپ جاتسا. ساعان ءبارى ءبىر شىعار، سەنىڭ ZTB پاراقشان ورىس تىلىندە جۇرگىزىلەدى. ال ءبىلىم جاعىنان ءبىز ەشكىمنەن كەم تۇسپەيمىز، روبوتوتەحنيكا، شاحمات، ماتەماتيكا، فيزيكادان بارلىق جارىستاردا قازاق جاستارى ۇزدىكتەر قاتارىندا".
ارتىنشا مارعۇلان تۇرسىنوۆ داۋ تۋدىرعان جازباسىن ءوشىرىپ تاستاعان. سونىمەن قاتار، مەديامەنەدجەر جازباسىن تۇسىندىرۋگە تىرىستى. ونىڭ سوزىنشە، الدەكىمدەر ويىن باسقاشا بۇرمالاپ جىبەرىپتى.
"قۇرمەتتى قازاق باۋىرلار، مەن ويىمدى ناقتى جەتكىزبەدىم. مەن ءوز قازاق ەلىمدى سۇيەمىن، مەن ءوز حالقىمنىڭ پاتريوتىمىن. مەنىڭ ايتايىن دەگەنىم - الەۋمەتتىك ومىردە ءبىز ورىستاردان الار بەرەر دۇنيەلەرىز جەتەرلىك. مەنىڭ تەك ايتارىم - ۇلتارازدىق الاۋىزدىقتى توقتاتۋ، قازاقستاننىڭ ءار ازاماتىن سىيلاۋ. ءبىز ارازدىقپەن ءتىلدى دە، مادينەتتى دە ۇيرەتە المايمىز. مەنىڭ ويىمدى باسقا ازاماتتار دۇرىس ەمەس ماعىنادا بۇرمالاپ جىبەرگەن سياقتى. مەنى تۇسىنبەگەن ءار قازاعىمنان كەشىرىم سۇرايمىن"، - دەيدى تۇرسىنوۆ.
ايتا كەتەيىك، ءتىل ماسەلەسىنە قاتىستى داۋ بۇعان دەيىن دە بولعان ەدى. مىسالى الەۋمەتتىك جەلىدە تانىمال زاڭگەر ەرجان ەسىمحانوۆتىڭ قازاق تىلىندە سويلەيتىندەرگە قاتىستى جازباسى قىزۋ تالقىعا تۇسكەن ەدى. Threads-تەگى جازبادان كەيىن قالىڭ كوپشىلىك اشىق پىكىر ءبىلدىرىپ، نارازىلىعىن كورسەتتى.
زاڭگەر كونە تىلدەردەگى ماتىندەردى قالپىنا كەلتىرىپ، ەرەكشە كونتەنت جاسايتىن Arum Natzorkhang ەسىمدى بلوگەر تۋرالى ايتا كەلىپ، ءسوز اراسىندا "بۇل قازاقشاسويلەشنيكتەرگە قايدان جەتسىن؟" دەگەندەي مىسقىلداعان.
حالىقتىڭ اشىق رەاكسياسى
جەلى قولدانۋشىلارى قازاق ءتىلى ءسوز بولعان بۇل داۋلى جازبادان كەيىن ءۇنسىز قالماعان.
