– Tutastai alǵanda munai óńdeýdiń ekonomikalyq tartymdylyǵyn qamtamasyz etý jáne munai ónimderiniń jetispeýshiligi problemasyn júieli sheshý úshin janar-jaǵarmaiǵa naryqtyq baǵa belgileýge josparly kóshý máselesi pysyqtalýda.
Uzaq merzimdi perspektivada ishki naryqtaǵy tutynýdyń ósip kele jatqanyn qamtamasyz etý maqsatynda iri munai óndirý zaýyttarynyń munai ónimderin óndirýdi ulǵaitý josparlanýda.
Aitalyq, Shymkent munai óndeý zaýytynyń óndiristik qýatyn 9-12 mln tonnaǵa deiin keńeitý josparlanǵan (qazirgi qýaty – 6 mln tonna), – dep jazady Úkimet basshysy.
Álihan Smaiylovtyń málimetinshe, atalmysh jobanyń aldyn ala tehnikalyq-ekonomikalyq negizdemesi aiaqtalý satysynda.
– Jobany iske asyrý merzimi 2029 jylǵa qarai kútilýde. Sondai-aq, Pavlodar munai himiia zaýytynda suiytylǵan kómirsýtekti gazdy deparafinizatsiialaý jáne tazartý blogyn integratsiialai otyryp, gidrotazartý qondyrǵysyn rekonstrýktsiialaý jobalary iske asyrylýda. Bul óz kezeginde 2025 jyldan bastap munai óńdeý qýatyn jylyna 600 myń tonnaǵa (5,5 mln tonnadan 6,1 mln tonnaǵa deiin) qosymsha ulǵaitýǵa múmkindik beredi, – delingen jaýapta.
