– تۇتاستاي العاندا مۇناي وڭدەۋدىڭ ەكونوميكالىق تارتىمدىلىعىن قامتاماسىز ەتۋ جانە مۇناي ونىمدەرىنىڭ جەتىسپەۋشىلىگى پروبلەماسىن جۇيەلى شەشۋ ءۇشىن جانار-جاعارمايعا نارىقتىق باعا بەلگىلەۋگە جوسپارلى كوشۋ ماسەلەسى پىسىقتالۋدا.
ۇزاق مەرزىمدى پەرسپەكتيۆادا ىشكى نارىقتاعى تۇتىنۋدىڭ ءوسىپ كەلە جاتقانىن قامتاماسىز ەتۋ ماقساتىندا ءىرى مۇناي ءوندىرۋ زاۋىتتارىنىڭ مۇناي ونىمدەرىن ءوندىرۋدى ۇلعايتۋ جوسپارلانۋدا.
ايتالىق، شىمكەنت مۇناي وندەۋ زاۋىتىنىڭ وندىرىستىك قۋاتىن 9-12 ملن تونناعا دەيىن كەڭەيتۋ جوسپارلانعان (قازىرگى قۋاتى – 6 ملن توننا)، – دەپ جازادى ۇكىمەت باسشىسى.
ءاليحان سمايىلوۆتىڭ مالىمەتىنشە، اتالمىش جوبانىڭ الدىن الا تەحنيكالىق-ەكونوميكالىق نەگىزدەمەسى اياقتالۋ ساتىسىندا.
– جوبانى ىسكە اسىرۋ مەرزىمى 2029 جىلعا قاراي كۇتىلۋدە. سونداي-اق، پاۆلودار مۇناي حيميا زاۋىتىندا سۇيىتىلعان كومىرسۋتەكتى گازدى دەپارافينيزاسيالاۋ جانە تازارتۋ بلوگىن ينتەگراسيالاي وتىرىپ، گيدروتازارتۋ قوندىرعىسىن رەكونسترۋكسيالاۋ جوبالارى ىسكە اسىرىلۋدا. بۇل ءوز كەزەگىندە 2025 جىلدان باستاپ مۇناي وڭدەۋ قۋاتىن جىلىنا 600 مىڭ تونناعا (5،5 ملن توننادان 6،1 ملن تونناعا دەيىن) قوسىمشا ۇلعايتۋعا مۇمكىندىك بەرەدى، – دەلىنگەن جاۋاپتا.
