Aldaǵy jyly 3 iri jobany iske asyrylý kózdelýde. Olardyń jalpy quny – 4 mlrd. 100 mln. teńge. Atalǵan jobalar júzege assa, 90 adam jumyspen qamtylmaq. Bul týraly Túrkistan oblysynyń Óńirlik komýnıkasıalar qyzmetinde ótken brıfıńte Keles aýdanynyń ákimi Aqmentaı Esbaev málim etti.
Aldaǵy jyly aýdanda júzege asatyn jobalar: quny 1 mlrd. teńgelik “Ońtústik Agroprodakshn” JSHS 310 gektar aýmaqqa jerge grek jańǵaq egý, “Bes Qara” JSHS 400 ga qarqyndy baý egý (quny 3 mlrd. teńge), “Kóshim” SHQ-nyń balyq ósirý jáne balyq etin óńdeý (quny 100 mln. teńge) jobasy.
– Kásipkerlikti damytý aıasynda belsendi shaǵyn jáne orta bıznes boıynsha óńirde belsendi kásipkerlik sýbektiler sany 7279 birlikti qurap, tıisti kezeńmen salystyrǵanda 1,2 paıyzǵa artqan. Salada shyǵarylǵan ónimder men kórsetilgen qyzmet kólemi 23,2 mlrd. teńgeni qurap, 4,1 paıyzǵa jáne búdjetke tıesili tólengen salyq tólemderi 5,3 paıyzǵa artyp, 327 mln. teńgeni qurady. Sonymen qatar, negizgi kapıtalǵa baǵyttalǵan ınvestısıa kólemi 3020,5 mln. teńge qurap otyr, – dedi Aqmentaı Úsenuly.
Aýyl sharýashylyǵy salasynda jylyjaı jyl basynan beri 10,6 gektar aýmaqqa salynǵan bolsa, tamshylatyp sýarý ádisi 287 gektar jerge engizilgen.
Qurylys salasynda aǵymdaǵy jyly jalpy quny 15 mlrd. 579 mln. teńgeni quraıtyn 24 nysannyń qurylysy júrgizilip jatyr. 17 nysan 2019 jylǵa ótpeli.
Al ınfraqurylym boıynsha tabıǵı gazben qamtýda 83 eldi mekenniń ishinde 38-ne kógildir otyn jetkizilgen. 2019 jyly tabıǵı gazben qamtýdy aýdanda 86,3 paıyzǵa jetkizý kózdelýde. Aýyz sýmen qamtý boıynsha barlyq 83 eldi mekenniń qubyr sýmen qamtylǵany 40. Aldaǵy jyly aýyz sýmen qamtý deńgeıin 72,4 paıyzǵa jetkizý josparlanyp otyr. Sondaı-aq, sapaly elektr qýatymen qamtý boıynsha aýdanda qazirgi tańda 40 eldi mekendi qurady. 2019 jyly qamtý deńgeıin 71,1 paıyzǵa jetkizý mejelengen.
Túrkistan oblysynyń óńirlik komýnıkasıalar qyzmeti
