الداعى جىلى 3 ءىرى جوبانى ىسكە اسىرىلۋ كوزدەلۋدە. ولاردىڭ جالپى قۇنى – 4 ملرد. 100 ملن. تەڭگە. اتالعان جوبالار جۇزەگە اسسا، 90 ادام جۇمىسپەن قامتىلماق. بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە كەلەس اۋدانىنىڭ اكىمى اقمەنتاي ەسبايەۆ ءمالىم ەتتى.
الداعى جىلى اۋداندا جۇزەگە اساتىن جوبالار: قۇنى 1 ملرد. تەڭگەلىك “وڭتۇستىك اگروپروداكشن” ج ش س 310 گەكتار اۋماققا جەرگە گرەك جاڭعاق ەگۋ، “بەس قارا” ج ش س 400 گا قارقىندى باۋ ەگۋ (قۇنى 3 ملرد. تەڭگە)، “كوشىم” شق-نىڭ بالىق ءوسىرۋ جانە بالىق ەتىن وڭدەۋ (قۇنى 100 ملن. تەڭگە) جوباسى.
– كاسىپكەرلىكتى دامىتۋ اياسىندا بەلسەندى شاعىن جانە ورتا بيزنەس بويىنشا وڭىردە بەلسەندى كاسىپكەرلىك سۋبەكتىلەر سانى 7279 بىرلىكتى قۇراپ، ءتيىستى كەزەڭمەن سالىستىرعاندا 1،2 پايىزعا ارتقان. سالادا شىعارىلعان ونىمدەر مەن كورسەتىلگەن قىزمەت كولەمى 23،2 ملرد. تەڭگەنى قۇراپ، 4،1 پايىزعا جانە بيۋدجەتكە تيەسىلى تولەنگەن سالىق تولەمدەرى 5،3 پايىزعا ارتىپ، 327 ملن. تەڭگەنى قۇرادى. سونىمەن قاتار، نەگىزگى كاپيتالعا باعىتتالعان ينۆەستيسيا كولەمى 3020،5 ملن. تەڭگە قۇراپ وتىر، – دەدى اقمەنتاي ۇسەن ۇلى.
اۋىل شارۋاشىلىعى سالاسىندا جىلىجاي جىل باسىنان بەرى 10،6 گەكتار اۋماققا سالىنعان بولسا، تامشىلاتىپ سۋارۋ ءادىسى 287 گەكتار جەرگە ەنگىزىلگەن.
قۇرىلىس سالاسىندا اعىمداعى جىلى جالپى قۇنى 15 ملرد. 579 ملن. تەڭگەنى قۇرايتىن 24 نىساننىڭ قۇرىلىسى جۇرگىزىلىپ جاتىر. 17 نىسان 2019 جىلعا وتپەلى.
ال ينفراقۇرىلىم بويىنشا تابيعي گازبەن قامتۋدا 83 ەلدى مەكەننىڭ ىشىندە 38-نە كوگىلدىر وتىن جەتكىزىلگەن. 2019 جىلى تابيعي گازبەن قامتۋدى اۋداندا 86،3 پايىزعا جەتكىزۋ كوزدەلۋدە. اۋىز سۋمەن قامتۋ بويىنشا بارلىق 83 ەلدى مەكەننىڭ قۇبىر سۋمەن قامتىلعانى 40. الداعى جىلى اۋىز سۋمەن قامتۋ دەڭگەيىن 72،4 پايىزعا جەتكىزۋ جوسپارلانىپ وتىر. سونداي-اق، ساپالى ەلەكتر قۋاتىمەن قامتۋ بويىنشا اۋداندا قازىرگى تاڭدا 40 ەلدى مەكەندى قۇرادى. 2019 جىلى قامتۋ دەڭگەيىن 71،1 پايىزعا جەتكىزۋ مەجەلەنگەن.
تۇركىستان وبلىسىنىڭ وڭىرلىك كوممۋنيكاسيالار قىزمەتى
