Sondaı-aq, Jylysý aýyl okrýgi Baqqonys-2 eldimekenine kireberis avtomobıl jolyn kúrdeli jóndeýden ótkizý úshin 164 mln 203 myń teńgege jobalaý smetalyq qujattama ázirlengen. Aýdan ákimi bul baǵytta sala mamandary jumys istep jatqanyn alǵa tartty. Aýdanda jol jóndelgen saıyn halyqtyń barys-kelisi jaqsaryp, turmystary túzele túsetini belgili. Sondyqtan bul baǵyttaǵy jumystardyń qarqynyn básendetpeý mańyzdy.
Oǵan qosa Atameken aýyldyq okrýgi Maqtashy jáne Qoǵaly aýyldary aralyǵyndaǵy kópirdi kúrdeli jóndeýden ótkizý úshin 154 mln teńgege jobalaý smetalyq qujattama daıyndaldy.
Al jalpy aýdanymyzdyń kólik joldarynyń jalpy uzyndyǵy 376,1 shaqyrymdy quraıdy. Osy joldardyń 43,6 shaqyrymy respýblıkalyq, 215,3 shaqyrymy oblystyq, 117,2 shaqyrymy aýdandyq mańyzy bar. Al ishki kóshelerdiń jalpy uzyndyǵy 863 shaqyrymdy quraıdy. Iaǵnı 1145 kóshe bar.
