Birinshi baǵytqa sáikes, ónerkásip salasynda 2021-2025 jyldary sheteldik investorlardyń qatysýymen (Ońtústik Koreia, Resei, Qytai, Túrkiia, Ózbekstan, Ispaniia, Frantsiia) keminde 15 joba iske asyrylady. Oǵan 2,5 mlrd AQSh dollary kóleminde sheteldik investitsiia tartý josparlanýda. Nátijesinde 2 myńnan astam adam jumyspen qamtylady.
Agroónerkásip salasynda 136 ga «Agroindýstrialdy aimaq» qurylyp, 89 ga óndiristik jylyjai salynbaq. Jylyjai, qarqyndy baý, mal bordaqylaý, mal jáne qus etin óńdeý boiynsha 42 investitsiialyq jobalar iske asyrý kózdelip otyr.
Ekinshi baǵyt boiynsha 2021 jyly 10 eldimekendi sýmen jabdyqtaý jáne 2022 jylǵa deiin 8 eldimekendi sýmen qamtamasyz etý úshin taǵy 3 magistraldyq qubyr salý josparlanýda. Qalanyń avtokólik infraqurylymyn 2025 jylǵa deiin damytý úshin birqatar is-shara josparlanǵan. Turǵyn úi salasynda 5 jylda 3 million sharshy metr baspana nemese 47 myń páter salý kózdelip otyr (2021 jyly – 592,3 myń sharshy metr, 2022 jyly – 602,8 myń sharshy metr, 2023 jyly – 610,8 myń sharshy metr, 2024 jyly – 624,1 myń sharshy metr jáne 2025 jyly – 632,3 myń sharshy metr).
Úshinshi baǵytqa sáikes, 2021-2025 jyldary 24 mektep jáne 13 balabaqshany kúrdeli jóndeý jumystary júrgiziledi. Nátijesinde úsh aýysymdy jáne apatty mektepterdiń máselesi tolyq sheshiledi. Densaýlyq saqtaý salasynda, sheteldiń zamanaýi tehnologiiasymen jabdyqtalǵan 1 000 oryndyq kópsalaly aýrýhana, 10 meditsinalyq mekemeniń qurylysy qolǵa alynbaq. Qaladaǵy jalpy 36 meditsina mekemesiniń materialdyq-tehnikalyq bazasyn jańartý josparlanýda.
Sporttyq infraqurylymdy damytý maqsatynda tórt dene shynyqtyrý-saýyqtyrý kesheni salynyp, 6 strit-vorkaýt jáne 73 sport alańy ashylady. Balalar men jasóspirimder sport mektepteriniń filialdary barlyq shaǵynaýdandarda jumys isteidi.
