Týrısik salany damytýdyń memlekettik baǵdarlamasy sheńberinde Mańǵystaý oblysy elimizdiń perspektıvaly týrısik óńirleriniń úzdik 10-dyǵyna endi. Qazirgi ýaqytta óńirde teńiz kýrorty, Kaspıı teńiziniń jaǵalaýyndaǵy jaǵajaı týrızmin damytýǵa basymdyq berilýde.
Elbasynyń 2018 jylǵy tamyzdaǵy Aqtaý zamanaýı teńiz kýrortyna aınalýy tıis degen tapsyrmasynan keıin óńirdiń týrızmi men ınjenerlik-kólik ınfraqurylymyn damytýǵa úlken kóńil bólindi.
QR Úkimetiniń qoldaýymen ınfraqurylymdy odan ári damytý nátıjesinde jergilikti kásipkerler jańa týrısik bastamalardy iske asyrý shin zor múmkindikke ıe boldy.
Injenerlik-kólik ınfraqurylymyn belsendi damytýdyń arqasynda 2020 jylǵy shildede ınvestısıalar kólemi 60 mlrd teńgeden asatyn «Rixos Water World Aktau» kópfýnksıonaldy týrısik-qonaq úı kesheni iske qosyldy.
2020 jyldyń kúzinde kýrorttyq aımaqty damytýdyń 2-shi kezeńi bastaldy, onyń sheńberinde Tetıs Interneshnl hab (taqyryptyq park, gólf-klýb, saýda qatarlary, qonaq úıler), BıAı Grýp (Aktau Riviera vıllalar men apartamentter kesheni) jáne «Bazis-A» korporasıasy (aqualina RESORT kýrorttyq-qonaq úı kesheni) iri jobalary iske asyrylýda.
2021 jyldyń shildesinde «taqyryptyq oıyn-saýyq parki» iske qosyldy. Jyl sońyna deıin gólf-klýb, vıllalar men «Town Center» saýda qatarlary, vıllalar, taýnhaýstar paıdalanýǵa beriledi.
2004-2020 jyldar aralyǵynda óńirge kelgen týrıser sany 2,5 mıllıonnan asqan. Onyń 2 mıllıondaıy el azamattary (ishki týrızm deńgeıiniń kórsetkishi), qalǵan 500 myńnan astam adam sheteldik týrıser.
2021 jyldyń 1 jartyjyldyǵynyń qorytyndysy boıynsha óńirge saıahattap kelýshiler sany (resmı statısıkalyq málimetter boıynsha) 139 myń adamdy qurady, bul 2020 jyldyń sáıkes kezeńimen salystyrǵanda 3,1 ese ósti (2020 jyldyń qańtar-maýsymy – 45 myń adam).
– Týrısik áleýetimizdi arttyrýdyń taǵy bir mańyzdy baǵyttary – ekologıalyq týrızmdi, kıeli jerlerdi, mádenı týrızmdi, sondaı-aq sý oıyn-saýyqtaryn damytý bolyp tabylady. Jalpy, óńirdegi týrızm salasy boıynsha 2021-2025 jyldar kezeńinde myńnan astam jumys oryndaryn qura otyryp, jalpy somasy 300 mlrd.teńgeden asatyn 13 jobany iske asyrý josparlanǵan. Jergilikti kompanıalardyń qatysýymen 2022-2024 jyldar kezeńinde 8 jobany iske asyrý josparlanýda. Qonaq úı bıznesi salasyndaǵy jańa ınvestısıalyq jobalardy iske asyrý pysyqtalýda. Oblys ákimdigi týrızmdi damytý boıynsha odan ári sharalar qabyldaýǵa qatysty joǵary turǵan basshylyqtyń tapsyrmalaryn oryndaýdy turaqty baqylaýda ustaıtynyn atap ótkim keledi, – dedi oblys ákiminiń orynbasary Bekbol Orynbasarov.
