تۋريستىك سالانى دامىتۋدىڭ مەملەكەتتىك باعدارلاماسى شەڭبەرىندە ماڭعىستاۋ وبلىسى ەلىمىزدىڭ پەرسپەكتيۆالى تۋريستىك وڭىرلەرىنىڭ ۇزدىك 10-دىعىنا ەندى. قازىرگى ۋاقىتتا وڭىردە تەڭىز كۋرورتى، كاسپيي تەڭىزىنىڭ جاعالاۋىنداعى جاعاجاي ءتۋريزمىن دامىتۋعا باسىمدىق بەرىلۋدە.
ەلباسىنىڭ 2018 جىلعى تامىزداعى اقتاۋ زاماناۋي تەڭىز كۋرورتىنا اينالۋى ءتيىس دەگەن تاپسىرماسىنان كەيىن ءوڭىردىڭ ءتۋريزمى مەن ينجەنەرلىك-كولىك ينفراقۇرىلىمىن دامىتۋعا ۇلكەن كوڭىل ءبولىندى.
ق ر ۇكىمەتىنىڭ قولداۋىمەن ينفراقۇرىلىمدى ودان ءارى دامىتۋ ناتيجەسىندە جەرگىلىكتى كاسىپكەرلەر جاڭا تۋريستىك باستامالاردى ىسكە اسىرۋ ءشىن زور مۇمكىندىككە يە بولدى.
ينجەنەرلىك-كولىك ينفراقۇرىلىمىن بەلسەندى دامىتۋدىڭ ارقاسىندا 2020 جىلعى شىلدەدە ينۆەستيسيالار كولەمى 60 ملرد تەڭگەدەن اساتىن «Rixos Water World Aktau» كوپفۋنكسيونالدى تۋريستىك-قوناق ءۇي كەشەنى ىسكە قوسىلدى.
2020 جىلدىڭ كۇزىندە كۋرورتتىق ايماقتى دامىتۋدىڭ 2ء-شى كەزەڭى باستالدى، ونىڭ شەڭبەرىندە تەتيس ينتەرنەشنل حاب (تاقىرىپتىق پارك، گولف-كلۋب، ساۋدا قاتارلارى، قوناق ۇيلەر)، بياي گرۋپ (Aktau Riviera ۆيللالار مەن اپارتامەنتتەر كەشەنى) جانە «Bazis-A» كورپوراسياسى (aqualina RESORT كۋرورتتىق-قوناق ءۇي كەشەنى) ءىرى جوبالارى ىسكە اسىرىلۋدا.
2021 جىلدىڭ شىلدەسىندە «تاقىرىپتىق ويىن-ساۋىق پاركى» ىسكە قوسىلدى. جىل سوڭىنا دەيىن گولف-كلۋب، ۆيللالار مەن «Town Center» ساۋدا قاتارلارى، ۆيللالار، تاۋنحاۋستار پايدالانۋعا بەرىلەدى.
2004-2020 جىلدار ارالىعىندا وڭىرگە كەلگەن تۋريستەر سانى 2،5 ميلليوننان اسقان. ونىڭ 2 ميلليوندايى ەل ازاماتتارى (ىشكى تۋريزم دەڭگەيىنىڭ كورسەتكىشى)، قالعان 500 مىڭنان استام ادام شەتەلدىك تۋريستەر.
2021 جىلدىڭ 1 جارتىجىلدىعىنىڭ قورىتىندىسى بويىنشا وڭىرگە ساياحاتتاپ كەلۋشىلەر سانى (رەسمي ستاتيستيكالىق مالىمەتتەر بويىنشا) 139 مىڭ ادامدى قۇرادى، بۇل 2020 جىلدىڭ سايكەس كەزەڭىمەن سالىستىرعاندا 3،1 ەسە ءوستى (2020 جىلدىڭ قاڭتار-ماۋسىمى – 45 مىڭ ادام).
– تۋريستىك الەۋەتىمىزدى ارتتىرۋدىڭ تاعى ءبىر ماڭىزدى باعىتتارى – ەكولوگيالىق ءتۋريزمدى، كيەلى جەرلەردى، مادەني ءتۋريزمدى، سونداي-اق سۋ ويىن-ساۋىقتارىن دامىتۋ بولىپ تابىلادى. جالپى، وڭىردەگى تۋريزم سالاسى بويىنشا 2021-2025 جىلدار كەزەڭىندە مىڭنان استام جۇمىس ورىندارىن قۇرا وتىرىپ، جالپى سوماسى 300 ملرد.تەڭگەدەن اساتىن 13 جوبانى ىسكە اسىرۋ جوسپارلانعان. جەرگىلىكتى كومپانيالاردىڭ قاتىسۋىمەن 2022-2024 جىلدار كەزەڭىندە 8 جوبانى ىسكە اسىرۋ جوسپارلانۋدا. قوناق ءۇي بيزنەسى سالاسىنداعى جاڭا ينۆەستيسيالىق جوبالاردى ىسكە اسىرۋ پىسىقتالۋدا. وبلىس اكىمدىگى ءتۋريزمدى دامىتۋ بويىنشا ودان ءارى شارالار قابىلداۋعا قاتىستى جوعارى تۇرعان باسشىلىقتىڭ تاپسىرمالارىن ورىنداۋدى تۇراقتى باقىلاۋدا ۇستايتىنىن اتاپ وتكىم كەلەدى، – دەدى وبلىس اكىمىنىڭ ورىنباسارى بەكبول ورىنباساروۆ.
