Aibek Dádebai jańa Quryltaidyń tóraǵasy bolyp sailanyp, depýtattar aldynda sóz sóiledi, dep habarlaidy dalanews.kz.
"Eń aldymen, maǵan zor senim artyp, meniń kandidatýramdy Qazaqstan Respýblikasy Quryltaiynyń tóraǵasy laýazymyna usynǵan Memleket basshysy Qasym-Jomart Kemeluly Toqaevqa shynaiy alǵysymdy bildiremin.Quryltaidyń barsha depýtatyna da qoldaǵany úshin raqmet aitamyn. Bul – men úshin úlken mártebe ári tarihi jaýapkershilik. Prezidentimiz búgin aldaǵy jumys baǵytymyzdy jáne naqty mindetterdi aiqyndap berdi. Elimizde júzege asyp jatqan reformalar men aýqymy bizden baiypty sheshimder men kásipqoilyqty jáne qajyrly eńbekti talap etedi. Sonymen qatar, ár zańnyń, ár sheshimniń artynda naqty maqsat tur. Ol – elimizdiń odan ári damýyn qamtamasyz etý, memlekettigimizdi nyǵaityp, azamattarymyzdyń ál-aýqatyn arttyrý. Bul jumystyń negizinde halqymyz jappai qoldaǵan jańa Konstitýtsiianyń qundylyqtary men qaǵidattary jatýǵa tiis. Basty mindet – oń ózgerister nátijesi halyqtyń kúndelikti ómirinen kórinis tabatyn, zań men tártip ornyqqan Ádiletti Qazaqstandy birge qurý isin jalǵastyrý", - dedi ol.
Aibek Dádebaidyń pikirinshe, Quryltai elimizdiń odan ári jańǵyrýyna tyń serpin beretin, konstrýktivti qoǵamdyq dialogqa jolashyp, jańa zamannyń syn-qaterlerine laiyqty jaýap usynatyn minberge ainalýǵa tiis.
"Osy turǵyda biz judyryqtai jumylyp, alda turǵan mindetterdi abyroimen atqarýǵa bar kúsh-jigerimizdi salýǵa tiispiz. Alda qyrýar jumys kútip tur. Osy jaýapty joldy birge eńseremiz dep kámil senemin", - dedi ol.
Aita keteiik, buǵan deiin depýtattar onyń kandidatýrasyn jasyryn daýys berý arqyly qoldady.
