"Samuryq-Qazyna" UÁQ direktorlar keńesiniń quramyna Vong Hen Fain myrza qosyldy. Ol Asia Infrastructure Solutions Singapore kompaniiasynyń tóraǵasy, sonymen qatar Almaty oblysynda jańadan qurylǵan Alataý qalasynyń qurylysy men jobasy boiynsha bas keńesshi bolyp tabylady, dep habarlaidy Dalanews.kz.
Bul týraly aqparat búgin, 29 qazanda kase saitynda jariialandy.
"Samuryq-Qazyna" direktorlar keńesiniń quramynda Vong Hen Fain premer-ministrdiń orynbasary — Ulttyq ekonomika ministri Nurlan Baibazarovtyń ornyn basqan eken.
Mundai sheshimdi qordyń jalǵyz aktsioneri-Qazaqstan Úkimeti 2024 jyly 19 qazanda qabyldady. Direktorlar keńesiniń quramy jeti adamnan turady. Ony QR premer-ministri Oljas Bektenov basqarady. Ózge múshelerin atap aitsaq, olar: QR Prezidentiniń keńesshisi Erulan Jamaýbaev, "Samuryq-Qazyna" AQ Basqarmasynyń tóraǵasy Nurlan Jaqypov jáne tórt táýelsiz direktor — Bolat Jámishev, Lýka Sýtera, Muhammed Jamil Ál Ramahi jáne Vong Hen Fain.
Aita ketsek, Almaty oblysynda Jetigen aýylynyń ornynda Alataý qalasy paida bolmaq. Bul týraly Jarlyqqa Toqaev 2024 jyldyń qańtarynda qol qoidy. 2024 jyldyń mamyrynda jańa qalanyń bas jospary qabyldanǵany, qujat singapýrlyq Surbana Jurong kompaniiasymen birlesip ázirlengeni belgili boldy.
