Qazaqstandaǵy onkologiialyq naýqastar Densaýlyq saqtaý ministrliginiń tomoterapiiany tegin meditsinalyq kómektiń kepildik berilgen kóleminen alyp tastaǵan buiryǵyna narazylyq bildirip, Bas prokýror Berik Asylovqa úndeý joldady, dep habarlaidy dalanews.kz.
Patsientterdiń aitýynsha, Densaýlyq saqtaý ministrliginiń №103 buiryǵynan keiin tomoterapiiany memleket esebinen alý múmkindigi toqtatylǵan. Bul sheshim em qabyldap júrgen naýqastarǵa da áser etken.
Úndeý avtorlarynyń sózinshe, emdi aiaqtaý úshin endi naýqastar qyzmet aqysyn ózderi tóleýge májbúr. Qarajaty joq adamdar emdi jalǵastyrý múmkindiginen aiyrylyp otyr.
Patsientter tomoterapiia alty jyl boiy kepildendirilgen tegin meditsinalyq kómek aiasynda kórsetilip kelgenin aitady. Olardyń pikirinshe, bul emdeý ádisi qaterli isiktiń kóptegen túrinde qoldanylady jáne keibir naýqastar úshin, sonyń ishinde súiek kemigin transplantatsiialaý aldynda, balamasy joq em sanalady.
Osyǵan bailanysty olar Bas prokýrordan Densaýlyq saqtaý ministrliginiń №103 buiryǵyna narazylyq engizýdi suraǵan. Naýqastar bul qujat densaýlyq saqtaýǵa qatysty konstitýtsiialyq quqyqtaryn shektep, ómirlik mańyzy bar emge qoljetimdilikti tómendetip otyr dep esepteidi.
Úndeýde aitylǵandai, jańa talaptardyń saldarynan keibir azamattar em aqysyn tóleý úshin múlkin satyp, nesie rásimdeýge nemese qaiyrymdylyq qorlarynan kómek suraýǵa májbúr bolǵan. Sondai-aq birqatar naýqas em alý úshin shetelge, ásirese Túrkiiaǵa ketip jatqanyn málimdegen.
Densaýlyq saqtaý ministrligi ázirge bul úndeýge qatysty resmi túsinikteme bergen joq.
