2026 jylǵy I toqsannyń qorytyndysy boiynsha oblystaǵy ortasha ailyq jalaqy 637,3 myń teńgege jetti. Bul respýblika boiynsha ortasha kórsetkishten 43,2%-ǵa joǵary, dep habarlaidy dalanews.kz.
Ulttyq statistika biýrosy 2026 jyldyń I toqsanyndaǵy jaldamaly qyzmetkerlerdiń (kásipkerlik qyzmetpen ainalysatyn shaǵyn kásiporyndardy qosa alǵanda) jalaqy deńgeii týraly derekterdi jariialady. Statistikalyq málimetke sáikes, Ulytaý oblysy ortasha ailyq jalaqy kólemi boiynsha Qazaqstan óńirleri arasynda birinshi orynǵa shyqty.
Qańtar–naýryz ailarynda óńirdegi ortasha jalaqy 637,3 myń teńgeni qurady. Bul respýblika boiynsha 445,1 myń teńgeni quraityn ortasha kórsetkishten 192,3 myń teńgege nemese 43,2%-ǵa joǵary.
Jalaqy deńgeii boiynsha kelesi joǵary kórsetkishter Atyraý men Mańǵystaý oblystarynda tirkeldi – tiisinshe 610,1 myń jáne 608,4 myń teńge. Odan keiingi oryndarda 559,9 myń teńge kórsetkishimen Astana qalasy jáne 551,6 myń teńgemen Almaty qalasy tur. Osylaisha Ulytaý oblysy jalaqy deńgeii boiynsha ózge ónerkásiptik óńirlerdi ǵana emes, eldiń iri qalalaryn da basyp ozdy.
Óńirdegi eńbekaqy deńgeiiniń joǵary bolýy kóp jaǵdaida oblystyń ónerkásiptik baǵyt-baǵdarymen bailanysty. Ulytaý ekonomikasynyń negizi sanalatyn taý-ken metallýrgiia kesheni bilikti kadrlarǵa turaqty suranysty qalyptastyryp, qyzmetkerlerge ózge salalarmen salystyrǵanda joǵary jalaqy usynady.
Óńir ekonomikasy men jumyspen qamtý salasynda «Qazaqmys» kompaniialar Toby mańyzdy ról atqarady. Ol – oblystaǵy eń iri jumys berýshilerdiń biri. Top kásiporyndary Ulytaý turǵyndaryn turaqty jumys oryndarymen qamtamasyz etip, óndiris kólemin damytýda, sondai-aq qoldanystaǵy nysandardy jańǵyrtý jobalaryn júzege asyrýda.
