Qazaqstanda avtokólik satyp alýdy jeńildetý úshin avtonesieleý men avtolizing júiesine ózgerister engizý josparlanyp otyr, dep habarlaidy dalanews.kz.
Bul týraly Ónerkásip jáne qurylys ministri Ersaiyn Naǵaspaev Úkimet otyrysynda málimdedi, dep habarlaidy Dalanews.
Ministrdiń aitýynsha, otandyq avtomobil ónerkásibin damytýdyń negizgi baǵyttarynyń biri – halyq úshin kóliktiń qoljetimdiligin arttyrý.
«Osy maqsatta avtonesieleý men lizing tetikterin jetildirý, onyń ishinde boryshtyq júkteme koeffitsientin alyp tastaý jáne jeke tulǵalarǵa arnalǵan avtolizingti damytý kózdelýde», – dedi Ersaiyn Naǵaspaev.
Qazirgi tańda Qazaqstanda avtonesie rásimdeý kezinde azamattardyń tólem qabileti boryshtyq júkteme koeffitsienti (BJK) arqyly baǵalanady. Bul kórsetkishtiń joǵary bolýy kóptegen azamattyń nesie alýyna kedergi keltirip otyr.
Ministrdiń sózinshe, osy talapty qaita qaraý jáne avtolizing mehanizmin damytý qazaqstandyqtardyń jańa avtokólik satyp alý múmkindigin keńeitýge tiis.
Úkimettiń josparyna sáikes, avtonesieleýmen qatar elektr jáne gibridti kólikter óndirisin damytý, zariadtaý infraqurylymyn keńeitý jáne avtokomponentterdiń otandyq óndirisin arttyrý jumystary da jalǵasady.
Sońǵy bes jylda Qazaqstannyń avtomobil ónerkásibine 457 mlrd teńgege jýyq investitsiia tartylǵan. Ótken jyly elde 171 myńnan astam avtokólik shyǵarylsa, biylǵy alty aida óndiris kólemi 94,4 myń kólikke jetken. Jyl sońyna deiin bul kórsetkishti 190 myńǵa jetkizý josparlanyp otyr.
