Alataý aýdanynda vaktsina alǵandar arasynda turmystyq tehnika oinatyldy
Sońǵy lotereia utysyna Alataý aýdanynyń ákimi Azamat Qaldybekov qatysyp, aýdan turǵyndaryna jaýapty azamattyq ustanymy úshin alǵysyn bildirdi.
– Almatylyq epidemiologtar Sovid-19-ǵa qarsy ekpe ujymdyq immýnitetti qalyptastyrýdyń mańyzdy ekenin aitty. Vaktsina qarqynyn tezdetý úshin vaktsina alǵandardy yntalandyrýdy jón kórdik. Koronavirýstyń tórtinshi tolqynyndamyz. Almatyda jańa «delta» shtamy paida boldy. Ol óte qaýipti. Sondyqtan ujymdyq immýnitetti qalyptastyrýǵa óz úlesin qosqan aýdan turǵyndaryna alǵys aitqym keledi, – dedi aýdan ákimi.
Alǵashqy júldegerlerge 5 mýltivarka berildi. Jeńimpazdardyń arasynda Almaty qalasynyń turǵyny Anar Qusaiynova da bar.
– Men balalarymnyń qaýipsizdigi úshin vaktsina aldym. Vaktsina alǵan kezde maǵan bilet berilip, utys oiynyna shaqyrdy. Men utys oiynynyń jeńimpazy bolǵanyma qýanyshtymyn, – dedi A. Qusaiynova.
Is-sharany uiymdastyrýshylardyń aitýynsha, mundai aktsiialar aldaǵy ýaqytta da jalǵasady. Dárigerler qalada ujymdyq immýnitetti qalyptastyrý úshin halyqtyń 75% vaktsina alýy qajet ekenin aitty.
Eske salsaq, Almatyda meditsinalyq uiymdarda, mektep, mádeniet, sport nysandarynda, bazar men qalanyń SOSO-da 211 vaktsina pýnkti jumys isteidi (250-ge deiin ulǵaitý múmkindigimen). 1 257 adam jumyldyrylǵan 304 ekpe brigadalary qyzmet atqarady.
2021 jyly 1 aqpany men 2 shildesi aralyǵynda Almatyda barlyǵy 487 736 adam vaktsina aldy. Ótken táýlikte 15 292 adam ekpe aldy. 60 jastan joǵary vaktsina alǵan adam sany 81 202 adamdy quraidy.
