الاتاۋ اۋدانىندا ۆاكتسينا العاندار اراسىندا تۇرمىستىق تەحنيكا ويناتىلدى
سوڭعى لوتەرەيا ۇتىسىنا الاتاۋ اۋدانىنىڭ ەكٸمٸ ازامات قالدىبەكوۆ قاتىسىپ, اۋدان تۇرعىندارىنا جاۋاپتى ازاماتتىق ۇستانىمى ٷشٸن العىسىن بٸلدٸردٸ.
– الماتىلىق ەپيدەميولوگتار سovid-19-عا قارسى ەكپە ۇجىمدىق يممۋنيتەتتٸ قالىپتاستىرۋدىڭ ماڭىزدى ەكەنٸن ايتتى. ۆاكتسينا قارقىنىن تەزدەتۋ ٷشٸن ۆاكتسينا العانداردى ىنتالاندىرۋدى جٶن كٶردٸك. كوروناۆيرۋستىڭ تٶرتٸنشٸ تولقىنىندامىز. الماتىدا جاڭا «دەلتا» شتامى پايدا بولدى. ول ٶتە قاۋٸپتٸ. سوندىقتان ۇجىمدىق يممۋنيتەتتٸ قالىپتاستىرۋعا ٶز ٷلەسٸن قوسقان اۋدان تۇرعىندارىنا العىس ايتقىم كەلەدٸ, – دەدٸ اۋدان ەكٸمٸ.
العاشقى جٷلدەگەرلەرگە 5 مۋلتيۆاركا بەرٸلدٸ. جەڭٸمپازداردىڭ اراسىندا الماتى قالاسىنىڭ تۇرعىنى انار قۇسايىنوۆا دا بار.
– مەن بالالارىمنىڭ قاۋٸپسٸزدٸگٸ ٷشٸن ۆاكتسينا الدىم. ۆاكتسينا العان كەزدە ماعان بيلەت بەرٸلٸپ, ۇتىس ويىنىنا شاقىردى. مەن ۇتىس ويىنىنىڭ جەڭٸمپازى بولعانىما قۋانىشتىمىن, – دەدٸ ا. قۇسايىنوۆا.
ٸس-شارانى ۇيىمداستىرۋشىلاردىڭ ايتۋىنشا, مۇنداي اكتسييالار الداعى ۋاقىتتا دا جالعاسادى. دەرٸگەرلەر قالادا ۇجىمدىق يممۋنيتەتتٸ قالىپتاستىرۋ ٷشٸن حالىقتىڭ 75% ۆاكتسينا الۋى قاجەت ەكەنٸن ايتتى.
ەسكە سالساق, الماتىدا مەديتسينالىق ۇيىمداردا, مەكتەپ, مەدەنيەت, سپورت نىساندارىندا, بازار مەن قالانىڭ سوسو-دا 211 ۆاكتسينا پۋنكتٸ جۇمىس ٸستەيدٸ (250-گە دەيٸن ۇلعايتۋ مٷمكٸندٸگٸمەن). 1 257 ادام جۇمىلدىرىلعان 304 ەكپە بريگادالارى قىزمەت اتقارادى.
2021 جىلى 1 اقپانى مەن 2 شٸلدەسٸ ارالىعىندا الماتىدا بارلىعى 487 736 ادام ۆاكتسينا الدى. ٶتكەن تەۋلٸكتە 15 292 ادام ەكپە الدى. 60 جاستان جوعارى ۆاكتسينا العان ادام سانى 81 202 ادامدى قۇرايدى.
