Alakólge demalýshylardy jańarǵan vagondarmen jetedi
Qanat Bozymbaevtyń aitýynsha, Taldyqorǵannan Balqash kóline deiingi joldyń qurylysyna biyl qosymsha qarjy bólý qarastyrylyp jatyr, jumystar jalǵasady. Taldyqorǵan – Óskemen respýblikalyq jolynyń Alakólge deiingi ýchaskesiniń qurylysy tiisti jumys kestesine sáikes aiaqtalatyn bolady.
– Biz qazir «Qazaqstan Temir Joly» AQ basshylyǵymen jańa maýsymda Alakólge jaqsy vagondar júrgizý týraly sóilesip jatyrmyz. Bir-eki aptada buǵan qatysty eki jaqty tiisti qujatqa qol qoiamyz. Balqash kóli jaǵalaýynda da týristik aimaq bolady. Tiisti jerler memleket menshigine qaitarylyp alynǵan. Tek aldymen osy demalys aimaǵyna qonaq úi jáne basqa da týristik nysandar salǵysy keletin investorlardy anyqtap alýymyz kerek. Sodan soń ǵana infraqurylymmen qamtý jumystaryn bastaimyz. Qurylys jumystarynyń tehnika-ekonomikalyq negizdemesi men jobalyq-smetalyq qujattary daiyn, – dedi Qanat Bozymbaev.
