Alakóldi abattandyrý baiqaýy jariialandy
«Rýhani jańǵyrý» baǵdarlamasy aiasynda uiymdastyrylyp otyrǵan baiqaýǵa qatysatyn eńbekterdi saralaý úshin baiqaý komissiiasy qurylǵan. Komissiiaǵa ShQO ákiminiń orynbasarynyń tóraǵalyq etýimen sáýlet, qala qurylysy, týrizm, jerqatynastary, kásipkerlik, tabiǵi ressýrstardy paidalaný, áleýmettik jobalardy úilestirý, qarjy, ekonomika, ishki saiasat jáne qoǵamdyq birlestikterden mamandar kirgen. Jumys toby jobalar men usynystardyń ishinen úzdigin tańdaityn bolady. Al baiqaý erejelerin Úrjar aýdany ákimdigi ázirleidi.
– Konkýrs ashyq bolady. Oǵan sáýlettik jobalardy ázirleýge eńbek jáne materialdyq resýrstary jetetin jobalyq mekemeler men sáýletshiler qatysa alady. Qatysýshylar sanyna shekteý joq. Baiqaýǵa qatysý úshin qatysýshydan nemese uiym atynan ótinim men sáýlettik joba qajet, – dedi baspasóz maslihatynda Úrjar aýdany ákiminiń orynbasary Didar Hamitov.
ART-joba báigesinde geodeziia, qolaily demalysqa qajetti infraqurylym júrgizý, estetikalyq syrqy kórinis siiaqty basymdylyqtarǵa asa mán berilmek.
– Eger sizde jobaǵa qatysty jaqsy ideiańyz bolsa, týrizmnyń damýyna súbeli úles qosqyńyz kelse baiqaýǵa qatysyńyz. Oiyńyzda júrgen joba júzege asyp, óńirdiń ishki týrizminiń túrlenýine túrtki bolýy ábden múmkin. Sonymen qatar, jeńimpazǵa qomaqty qarjylyq syilyq beriledi, – dedi óz sózinde Shyǵys Qazaqstan oblystyq týrizm jáne syrtqy bailanystar basqarmasynyń basshysy Jasulan Sársebaev.
Aita ketý kerek, Alakól aimaqtaǵy týrizmdi damytý jobasynda mańyzy zor baǵyttardyń biri bolyp tabylady. Biylǵy jyly Alakól jaǵalaýyn abattandyrýǵa bir mlrd. teńge qarjy qarastyrylǵan.
ShQO ákiminiń baspasóz qyzmeti
https://dalanews.kz/34170
