Týrısik maýsym bastalǵannan beri Alakól kóline mıllıonnan astam adam keledi, bul san kún saıyn artyp keledi. Búgingi tańda kóldiń jaǵalaýyndaǵy tazalyq pen tártip basty nazarǵa alynǵan.
– Ótken jyly Alakólge 750 myń týrıs kelgen. Al bıyl qyzyǵýshylardyń sany 1 mln. 33 myńnan asty. Tártip saqshylary solardyń 50-ine turmystyq qaldyqtardy beı-bereket tastaǵany úshin hattama toltyrǵan. Olardyń 12-ine aıyppul salynsa, bireýi bes kúndik qamaýǵa alyndy. Qalǵan 38-i abattandyrý boıynsha eskertý alǵan, – deıdi Yrǵaıty aýyldyq ogrýginiń ýchaskelik ınspektory Erik Serikuly.
Alakól aýdanyndaǵy Aqshı men Kóktuma aýyldaryna qarasty jaǵajaıdyń uzyndyǵy 15 shaqyrym. Bıyl jaz maýsymy kesh bastalǵanyna qaramastan osy aımaqtaǵy sanıtarlyq tazalyq jumystarymen «Alakól tazalyq» qyzmetkerleri jumystaryn 10-shy maýsymda bastap ketken. Óıtkeni kólge keletin turaqty qonaqtar úshin barlyq jaǵdaı jasaý mańyzdy. Sondyqtan komýnaldyq qyzmetkerler kól jaǵalaýynda halyqqa qyzmet kórsetý maqsatynda tynymsyz jumys isteıdi. Jalpy jaǵajaıda 40 shaqty turmystyq qaldyq jınaıtyn jáshik ornatylǵan. Olardan ár kún saıyn 2 myń tonnadan astam qoqys shyǵarylady. Kól jaǵalaýynda 10 adam jáne 5 tehnıka jumys atqarýda.
Jaǵalaýdaǵy ózekti máseleler kelesi jyly tolyqtaı óz sheshimin tappaq. 2019-2020 jyldar aralyǵynda Aqshı aýylynda jáne kól jaǵasynda káriz júıeleri tartylady. Sondaı-aq, «Alakól tazalyq» komýnaldyq kásiporynynyń fılıalyn ashý kózdelip otyr. Ol úshin búdjetten 390 mln qarjy qarastyrylǵan. Qarjyǵa 9 arnaıy tehnıka satyp alynady.Sonymen qatar qoqys jáshikterin 250-ge jetkizý kózdelip otyr.
Baljan Jumanbekova
