Ǵylymi zertteý «Rýhani jańǵyrý» baǵdarlamasy aiasynda «Shyǵys Qazaqstannyń injý-marjany» jobasyn iske asyrý boiynsha qolǵa alynǵan. Búginde zertteý jumystarynyń birinshi kezeńi aiaqtalyp otyr.
– Aimaqtaǵy týrizmdi damytý máselesine atústi qaraýǵa bolmaidy. Barlyǵyna ǵylymi dálel qajet. Sondyqtan oblystaǵy kólder men qainarlardyń quramyn zertteýge ǵalymdardy qatystyryp otyrmyz. Mysaly, Alakóldiń shipasy jaily el-jurt burynnan biledi, týristerdiń kóptep aǵylýy da sońdyqtan. Alaida sý quramynda radon kórsetkishi joǵary ekenin tereń zertteý nátijesinde anyqtap otyrmyz. Buryn radon tek Rahman qainarlarynda ǵana bar dep esepteletin, – dedi Shyǵys Qazaqstan oblystyq týrizm jáne syrtqy bailanystar basqarmasynyń basshysy Jasulan Sársebaev.
D. Serikbaev atyndaǵy ShQMTÝ-niń ǵylymi jumys jáne innnovatsiialar jónindegi prorektory Oleg Gavrilenkonyń aitýynsha, zertteýdiń birinshi kezeńinde Alakól, Zaisan, Marqakól, Sibe kólderi, Shybyndykól, Dýbyǵaly (Okýnki), Rahman qainarlary, «Barlyq-Arasan» jáne Qońyr Áýlie bulaǵy men Qasietti bulaqtyń sý quramy men batpaǵynan úlgiler alynǵan.
Aita ketý kerek, elimizde balneologiialyq qortyndy jasaityn institýt bolmaǵandyqtan zertteýge Reseilik mamandar da tartyldy. Resei Federatsiiasynyń Tomsk qalasynyń kýrortologiia jáne fizioterapiia ǵylymi-zertteý institýty Besqaraǵai aýdanyndaǵy Shoshqaly kóli sýynyń mineraldaný jáne negizgi iondyq-tuzdyq quramy 30% artyq ekenin de dáleldep otyr.
2018 jyly, iaǵni zertteý kezeńiniń ekinshi kezeńinde Shyǵys Qazaqstandaǵy taǵy 4 kóldiń sýy men emdik batpaǵy quramynyń fizika-himiialyq qasietteri tekserilip, tabiǵi mineraldy sýlardy paidalaný úshin balneologiialyq qorytyndy jasaý josparlanyp otyr.
