Almaty – Ál-Farabi dańǵylyndaǵy adam ólimine ákelgen jol apatynan keiin qalalyq politsiiada kadrlyq ózgerister bastaldy, dep habarlaidy DalaNews.kz
Beiresmi derekterge súiensek, Almaty qalalyq politsiia departamenti basshysynyń orynbasary Erjan Ýzabaev eńbekke jaramsyz dep, ýaqytsha demalysqa ketken. Onyń qyzmetten bosatylýy da múmkin ekeni aitylýda.
Sondai-aq, ákimshilik politsiia basqarmasynyń bastyǵy Serik Shýmaev qyzmetinen ketkeni belgili boldy. Budan bólek, arnaiy batalonnyń úsh vzvod komandiri jáne patrýldik politsiia polkiniń bir rota komandiri de laýazymynan aiyrylǵan.
Eske salaiyq, buǵan deiin zańger Moldahan Ádilethan ál-Farabi dańǵylyndaǵy qaiǵyly jol apatynyń mán-jaiyn jariialap, jarysqa qatysy bolýy múmkin tulǵalar arasynda joǵary laýazymdy politsiia qyzmetkeriniń aty atalǵan bolatyn.
Resmi organdar ázirge bul kadrlyq ózgeristerge qatysty tolyq túsinikteme bergen joq. Alaida oqiǵa qoǵamda úlken rezonans týdyryp, quqyq qorǵaý júiesine qatysty suraqtardy kúsheitti.
Qazirgi ýaqytta apat boiynsha tekserý amaldary jalǵasyp jatyr.
