الماتى – ەل-فارابي داڭعىلىنداعى ادام ٶلٸمٸنە ەكەلگەن جول اپاتىنان كەيٸن قالالىق پوليتسييادا كادرلىق ٶزگەرٸستەر باستالدى, دەپ حابارلايدى DalaNews.kz
بەيرەسمي دەرەكتەرگە سٷيەنسەك, الماتى قالالىق پوليتسييا دەپارتامەنتٸ باسشىسىنىڭ ورىنباسارى ەرجان ۋزاباەۆ ەڭبەككە جارامسىز دەپ, ۋاقىتشا دەمالىسقا كەتكەن. ونىڭ قىزمەتتەن بوساتىلۋى دا مٷمكٸن ەكەنٸ ايتىلۋدا.
سونداي-اق, ەكٸمشٸلٸك پوليتسييا باسقارماسىنىڭ باستىعى سەرٸك شۋماەۆ قىزمەتٸنەن كەتكەنٸ بەلگٸلٸ بولدى. بۇدان بٶلەك, ارنايى باتالوننىڭ ٷش ۆزۆود كومانديرٸ جەنە پاترۋلدٸك پوليتسييا پولكٸنٸڭ بٸر روتا كومانديرٸ دە لاۋازىمىنان ايىرىلعان.
ەسكە سالايىق, بۇعان دەيٸن زاڭگەر مولداحان ەدٸلەتحان ەل-فارابي داڭعىلىنداعى قايعىلى جول اپاتىنىڭ مەن-جايىن جارييالاپ, جارىسقا قاتىسى بولۋى مٷمكٸن تۇلعالار اراسىندا جوعارى لاۋازىمدى پوليتسييا قىزمەتكەرٸنٸڭ اتى اتالعان بولاتىن.
رەسمي ورگاندار ەزٸرگە بۇل كادرلىق ٶزگەرٸستەرگە قاتىستى تولىق تٷسٸنٸكتەمە بەرگەن جوق. الايدا وقيعا قوعامدا ٷلكەن رەزونانس تۋدىرىپ, قۇقىق قورعاۋ جٷيەسٸنە قاتىستى سۇراقتاردى كٷشەيتتٸ.
قازٸرگٸ ۋاقىتتا اپات بويىنشا تەكسەرۋ امالدارى جالعاسىپ جاتىر.
