"Qazaqtelekom" AQ uly filosof jáne matematik Ál-Farabidiń atymen atalǵan Ortalyq Aziiadaǵy ekinshi iri AI-klaster – AI-Farabium iske qosylǵanyn málimdedi, dep habarlaidy Dalanews.kz.
AI-Farabium iske qosylýy Digital Bridge 2025 halyqaralyq tehnologiialyq forýmy aiasynda Qazaqstan Respýblikasynyń Prezidenti Qasym-Jomart Toqaevtyń qatysýymen ótti. Bul oqiǵa ulttyq tsifrlyq ekojúieni damytýdaǵy mańyzdy qadam boldy jáne jasandy intellekt úshin egemendi infraqurylymdy qurýdaǵy eldiń strategiialyq basymdyǵyn atap ótti.
Jaqynda ótken jasandy intellektti damytý máseleleri jónindegi Keńeste Prezident eldi Eýraziianyń tsifrlyq habyna ainaldyrý jóninde órshil mindet qoiǵan bolatyn. Joǵary ónimdi jańa AI-Farabium klasteri – bul baǵyttaǵy negizgi qadamdardyń biri. Ol úlken tildik modelder men generativti JI-di oqytýǵa, ónerkásiptik sheshimder ázirlep, meditsinalyq derekterdi taldaý, «Aqyldy qala» jáne avtonomdy kólik tehnologiialaryn engizý, sondai-aq kontent jasaý, adam daýsy men keskindi tanýǵa múmkindik beredi. Bul álemdik deńgeidegi egemendi jasandy intellekt infraqurylymyn qurýdyń alǵashqy qadamy.
"Bul sýperkompiýterdi iske qosý – tsifrly Qazaqstan úshin mańyzdy qadam. Biz ǵalymdar, kompaniialar men memleketimizge jasandy intellekttiń eń ozyq tehnologiialaryn paidalanýǵa múmkindik beretin álemdik deńgeidegi infraqurylymdy quryp jatyrmyz. Endi Qazaqstanda derekterdi saqtap, el ishinde qundylyq jasai otyryp, ózimizdiń JI-di jattyqtyrýǵa múmkindigimiz bar", - dep atap ótti "Qazaqtelekom" AQ Basqarma Tóraǵasy Baǵdat Mýsin.
Klaster kompaniialar jáne ǵylymi ortalyqtar men yntymaqtastyq úshin ashyq. Tirkelý https://alfarabium.kz/#siltemesinde qoljetimdi.
