"قازاقتەلەكوم" اق ۇلى فيلوسوف جانە ماتەماتيك ءال-فارابيدىڭ اتىمەن اتالعان ورتالىق ازياداعى ەكىنشى ءىرى AI-كلاستەر – AI-Farabium ىسكە قوسىلعانىن مالىمدەدى، دەپ حابارلايدى Dalanews.kz.

AI-Farabium ىسكە قوسىلۋى Digital Bridge 2025 حالىقارالىق تەحنولوگيالىق فورۋمى اياسىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قاتىسۋىمەن ءوتتى. بۇل وقيعا ۇلتتىق سيفرلىق ەكوجۇيەنى دامىتۋداعى ماڭىزدى قادام بولدى جانە جاساندى ينتەللەكت ءۇشىن ەگەمەندى ينفراقۇرىلىمدى قۇرۋداعى ەلدىڭ ستراتەگيالىق باسىمدىعىن اتاپ ءوتتى.

جاقىندا وتكەن جاساندى ينتەللەكتتى دامىتۋ ماسەلەلەرى جونىندەگى كەڭەستە پرەزيدەنت ەلدى ەۋرازيانىڭ سيفرلىق حابىنا اينالدىرۋ جونىندە ءورشىل مىندەت قويعان بولاتىن. جوعارى ءونىمدى جاڭا AI-Farabium كلاستەرى – بۇل باعىتتاعى نەگىزگى قادامداردىڭ ءبىرى. ول ۇلكەن تىلدىك مودەلدەر مەن گەنەراتيۆتى جي-ءدى وقىتۋعا، ونەركاسىپتىك شەشىمدەر ازىرلەپ، مەديسينالىق دەرەكتەردى تالداۋ، «اقىلدى قالا» جانە اۆتونومدى كولىك تەحنولوگيالارىن ەنگىزۋ، سونداي-اق كونتەنت جاساۋ، ادام داۋسى مەن كەسكىندى تانۋعا مۇمكىندىك بەرەدى. بۇل الەمدىك دەڭگەيدەگى ەگەمەندى جاساندى ينتەللەكت ينفراقۇرىلىمىن قۇرۋدىڭ العاشقى قادامى.

"بۇل سۋپەركومپيۋتەردى ىسكە قوسۋ – سيفرلى قازاقستان ءۇشىن ماڭىزدى قادام. ءبىز عالىمدار، كومپانيالار مەن مەملەكەتىمىزگە جاساندى ينتەللەكتتىڭ ەڭ وزىق تەحنولوگيالارىن پايدالانۋعا مۇمكىندىك بەرەتىن الەمدىك دەڭگەيدەگى ينفراقۇرىلىمدى قۇرىپ جاتىرمىز. ەندى قازاقستاندا دەرەكتەردى ساقتاپ، ەل ىشىندە قۇندىلىق جاساي وتىرىپ، ءوزىمىزدىڭ جي-ءدى جاتتىقتىرۋعا مۇمكىندىگىمىز بار"، - دەپ اتاپ ءوتتى "قازاقتەلەكوم" اق باسقارما تءوراعاسى باعدات مۋسين.

كلاستەر كومپانيالار جانە عىلىمي ورتالىقتار مەن ىنتىماقتاستىق ءۇشىن اشىق. تىركەلۋ https://alfarabium.kz/#سىلتەمەسىندە قولجەتىمدى.