Almatyda ál-Farabi dańǵylynda úsh adamnyń ómirin qiǵan jol apatyna qatysty sot protsesi jalǵasyp jatyr. 8 maýsymda ótken sot otyrysynda qaza tapqan úshinshi qyzdyń anasy aiyptalýshyǵa eshqandai talaby joq ekenin málimdedi, dep habarlaidy dalanews.kz.
Jábirlenýshi taraptyń aitýynsha, aiyptalýshy óz kinásin tolyq moiyndap, jasaǵan isine ókinish bildirgen, keshirim suraǵan jáne keltirilgen materialdyq ári moraldyq shyǵyndy tolyq ótegen.
Osyǵan bailanysty marqumnyń otbasy aiyptalýshymen tatýlasýdy uiǵarǵanyn jetkizdi.
Aita keteiik, buǵan deiin jol apatynan kóz jumǵan taǵy eki adamnyń týystary da aiyptalýshyny keshirgenin málimdep, sottan oǵan shartty jaza taǵaiyndaýdy suraǵan edi.
