– Elbasy moratorii jariialaǵan, Úkimet usynǵan zań jobasynda jalǵa alýshylar 49 jyl merzim aiaqtalǵan soń, ne jerdi satyp alýy kerek, ne memleketke qaitarýy kerek. Bul bolashaqta jalǵa alý merzimi aiaqtalǵan soń, jerdiń bári menshikte bolady degen sóz. Ekonomikalyq jumys tobynyń músheleri munymen kelispeidi. Olardyń usynysy boiynsha, burynǵydai 2003 jyly qabyldanǵan Jer kodeksine sáikes jerdi jalǵa berýdi jalǵastyrý kerek, – dedi A.Kúrishbaev.
Onyń aitýynsha, qazirgi ýaqytta jerdi jalǵa berý boiynsha naqty ereje joq. Tek Jer kodeksindegi bir ǵana 43-bapta qysqasha jazylǵan.
– Endi Aýyl sharýashylyǵy ministrliginiń usynysy boiynsha arnaiy ereje bolýy kerek. Biz muny qoldap otyrmyz. Kim, qalai jerdi beredi, ony qalai baqylaidy, jer tiimsiz paidalanylsa qalai qaitarylatyny belgilenýi tiis. Bul óte mańyzdy másele. Jerdi 49 jylǵa jalǵa bergen kezde, ásirese birinshi jyldary muqiiat qaraýymyz kerek. Óitkeni jerdi igermeý máselesi birinshi jyldan bastalady. Alǵashqy bes jyldyqta jyl saiyn, keiin 3-5-7 jylda monitoring júrgizýdi qoldaimyz, – dedi ol.
Taǵy bir másele, bos jatqan jerler týraly málimetter halyqqa durys jetkizilmeidi.
– Odan keiin ákimniń janynda júrgen azamattar málimetti estigesin baryp ala salady. Sondyqtan málimet berýimiz kerek. Otyz kún buryn oblystyq, respýblikalyq deńgeide bos jatqan jerler týraly málimet berý qajet. Sonda ashyq túrde barlyq azamattar qatysady. Ekonomikalyq toptyń taǵy bir usynysy - jerdi jalǵa bergen kezde, jergilikti turǵyndarǵa, aýyl sharýashylyǵyn biletin mamandarǵa basymdyq berý kerek, – dedi A.Kúrishbaev.
Sondai-aq, ekonomikalyq top jetekshisiniń aitýynsha, jerdi jergilikti atqarýshy organdar emes, qoǵamdyq jer komissiiasy berýi tiis. Bul rette, ákimder men komissiia músheleriniń jaýapkershiligi qarastyrylýy kerek.
– Keshe men ákimshilik kodeksti qaradym. Sonda eger ákim, jer komissiiasynyń múshesi sheshim bolmai jatyp, jerdi berip qoisa, komissiiamen kelispei, jerdi tartyp alsa, sheteldikterge jalǵa jerdi óz sheshimimen berip jiberse, ol jazalanady. Biraq jazasy 30 ailyq eseptik kórsetkish, iaǵni 63 600 teńge. Bundai jaýapkershilikpen tártip ornata almaimyz. Sondyqtan bul jerde naqty jaýapkershilikti kóterýimiz kerek. Ulttyq múddege qaishy kelse, qylmystyq jaýapkershilikke deiin tartý qajet. Al ákimshilik kodekste aiyppul somasyn kóbeitý kerek dep sanaimyz, – dep qorytty sóz sońyn A.Kúrishbaev.
Aiymgúl ÁBILEVA
