– 2018 jyldan saıasatqa ketem. Aýdan ákiminiń qonaqtaryna sponsor bolyp sharshadym. Oblystyq Maslıhatqa depýtattyqqa túsem, oryn bosady. Oblystyq Maslıhat depýtatynan aýdan ákimi sponsorlyqqa aqsha surap, mazasyn almaıdy eken.
– Daıyndyǵyn qalaı, – dedim.
– Uryp tur. “Qazaq Arǵymaǵy” degen medal jasatym. 4 jylqyǵa 200 medal. Ózgelerdikindeı jáı temir emes, meniki altyn jalatylǵan, jarq-jurq etedi.
– Áı, klastas ony qaıtesiń?
– Saılaýǵa daıyndyq. Sosyn toıǵa barǵanda rahat boldy. Buryn baı jylqyshy retinde toıǵa baryp, qulyn, taı, baıtal ataýshy edim. Endi medaldi jarqyratyp taǵyp berem. Qyzdy-qyzdymen medal alýshy kórimdikke maǵan arǵymaq mingizetin boldy. Sóıtip 4 jylqym 200 jylqyǵa aınalaıyn dep tur. Naǵyz bıznes. Aıtpaqshy, saǵan medal kerek emesin bilem, anaý medalsiz qalǵan dos-jarandar bolsa aıt, 15-20 medaldi salyp jibereıin. Tek, saılaýǵa túskende bir aýyz meni maqtap, vatsapqa salyp jiberse bolǵany.
– Qatyrasyń sen, kil myqtylar kerek qoı saǵan.
– Endi, aýdan ákimine bireýin taqtym, razy boldy. "Jaqsy boldy bıyl maraptasyz qalyp edim. Aıtpaqshy, oblys ákimine orden daıynda" dedi. Sodan “Naǵyz Qazaq Arǵymaǵy” degen ordenge tapsyrys berip qoıdym. Saǵan bireýin jazyp bere alamyn, – dedi.
Aıtpaqshy dostar, medalsiz qalǵan kim bar. Jylqyshy dosym Jylqaıdarovqa tizim daıyndap jatyrmyn.
Mahat SADYQ, jýranalıst
