ەكٸمنٸڭ قوناقتارىنا سپونسور بولىپ شارشادىم
– 2018 جىلدان ساياساتقا كەتەم. اۋدان ەكٸمٸنٸڭ قوناقتارىنا سپونسور بولىپ شارشادىم. وبلىستىق ماسليحاتقا دەپۋتاتتىققا تٷسەم, ورىن بوسادى. وبلىستىق ماسليحات دەپۋتاتىنان اۋدان ەكٸمٸ سپونسورلىققا اقشا سۇراپ, مازاسىن المايدى ەكەن.
– دايىندىعىن قالاي, – دەدٸم.
– ۇرىپ تۇر. “قازاق ارعىماعى” دەگەن مەدال جاساتىم. 4 جىلقىعا 200 مەدال. ٶزگەلەردٸكٸندەي جەي تەمٸر ەمەس, مەنٸكٸ التىن جالاتىلعان, جارق-جۇرق ەتەدٸ.
– ەي, كلاستاس ونى قايتەسٸڭ?
– سايلاۋعا دايىندىق. سوسىن تويعا بارعاندا راحات بولدى. بۇرىن باي جىلقىشى رەتٸندە تويعا بارىپ, قۇلىن, تاي, بايتال اتاۋشى ەدٸم. ەندٸ مەدالدٸ جارقىراتىپ تاعىپ بەرەم. قىزدى-قىزدىمەن مەدال الۋشى كٶرٸمدٸككە ماعان ارعىماق مٸنگٸزەتٸن بولدى. سٶيتٸپ 4 جىلقىم 200 جىلقىعا اينالايىن دەپ تۇر. ناعىز بيزنەس. ايتپاقشى, ساعان مەدال كەرەك ەمەسٸن بٸلەم, اناۋ مەدالسٸز قالعان دوس-جاراندار بولسا ايت, 15-20 مەدالدٸ سالىپ جٸبەرەيٸن. تەك, سايلاۋعا تٷسكەندە بٸر اۋىز مەنٸ ماقتاپ, ۆاتساپقا سالىپ جٸبەرسە بولعانى.
– قاتىراسىڭ سەن, كٸل مىقتىلار كەرەك قوي ساعان.
– ەندٸ, اۋدان ەكٸمٸنە بٸرەۋٸن تاقتىم, رازى بولدى. "جاقسى بولدى بيىل ماراپتاسىز قالىپ ەدٸم. ايتپاقشى, وبلىس ەكٸمٸنە وردەن دايىندا" دەدٸ. سودان “ناعىز قازاق ارعىماعى” دەگەن وردەنگە تاپسىرىس بەرٸپ قويدىم. ساعان بٸرەۋٸن جازىپ بەرە الامىن, – دەدٸ.
ايتپاقشى دوستار, مەدالسٸز قالعان كٸم بار. جىلقىشى دوسىم جىلقايداروۆقا تٸزٸم دايىنداپ جاتىرمىن.
ماحات سادىق, جۋراناليست
