Túrkistan oblystyq «Farab» kitaphanasynyń bastamasymen «Ashyq ákimdiktegi ashyq kitaphana» jobasy aıasynda Báıdibek aýdany ákimdiginiń ǵımaratynda jyljymaly kitaphana pýnkti ashyldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Kitap sóresine aýdandyq ortalyqtandyrylǵan kitaphana qoryndaǵy ádebı, saıası, dintaný, óner, tarıh, shetel ádebıeti, fılosofıa, psıhologıalyq baǵyttaǵy jalpy sany 200-den astam kitap qoıylǵan.

Oqyrman suranysy boıynsha sóredegi kitaptar jańartylyp otyrady.



Joba maqsaty – bılik pen halyq arasyndaǵy baılanysqa rýhanıat arqyly dáneker bolý, halyqtyń kitap oqý mádenıetin qalyptastyrý, memlekettik qyzmetshilerdiń kitaphana qoryndaǵy kitapqa qoljetimdiligin arttyrý.