Almaty oblysynyń ákimdigi 19,7 million teńgege komiks satyp alý jobasyna qatysty túsinikteme berdi, dep habarlaidy Dalanews.kz.
Vedomstvonyń málimetinshe, bul joba jastar arasynda ekstremizmniń aldyn alýǵa, mediasaýattylyqty arttyrýǵa, syni oilaý men ulttyq biregeilikti qalyptastyrýǵa baǵyttalǵan.
Qarajat aqparattyq jáne tsifrlyq materialdar ázirleýge jumsalady. Ákimdik ókilderi bul somanyń naryqtyq taldaý negizinde eseptelgenin atap ótti. Olardyń aitýynsha, osyndai jobalar basqa elderde óz tiimdiligin dáleldegen.
Zertteýlerge sáikes, óńirdegi jasóspirimderdiń 55%-dan astamy dini kózqarastardy ustanady, al 35%-y bilimdi internetten alady. Joba, negizinen, osy topqa arnalyp otyr.
