Másele kótergen adamdy ákim-qaralar «el arasyna arazdyq, iritki salýshy» dep aıyptaýdy meńgerip aldy.
Biz bulaı uzaqqa barmaımyz, elimniń janashyry retinde aıtarym, eldiń bolashaǵy úshin, shyryldap júrgen qoǵam belsendilerimen birigip jumys isteıtin ýaqyt keldi!
Beıbitshilik týy jelbiregen, táýelsiz qaýipsiz elde turǵym keledi!
Prezıdentimiz Q K Toqaev óziniń janyna belsendilerdi ádeıi jınaǵan joq! Búkil óńirlerdegi aýqymdy máselelerdi kórip, bilip otyrý úshin jınady.
Osynyń ózi biraz sheneýnikterge sabaq bolý kerek! Prezıdentten úlgi alýylary tıis!
Aýyl aımaqtan problema ne úshin sheshilmeı jatyr. Sebebi joǵaryǵa durys aqparat jetpeıdi!
«Bizde bári keremet» dep esep berýdi doǵaraıyq! Sheshe almaı jatqan máseleni sheshe almaı jatyrmyz dep ashyq aıtaıyq! Sol kezde ǵana biz damyǵan elder qataryna qosylamyz!
Halyq ne úshin kóshege shyǵady? Sebebi jergilikti jerdegi bılik, halyqty ashyndyryp sondaı dárejege jetkizedi. Biz halyqqa aǵartýshylyq joldy, durys baǵytty kórsetýimiz kerek!
Jergilikti deńgeıde mobıldi túrde, tıimdi jumys isteýdi qolǵa alǵan jaǵdaıda ǵana, kez-kelgen máseleler, álem deńgeıde rezonans týdyrmaıdy.
Prezıdent «tyńdaýshy memleket» bolýymyz kerek dep bárimizge mindettedi!
Árbir joǵary laýazymda otyrǵan basshy osyny eskerý kerek!
